17-hadovaja dziaŭčyna, jakaja paciarpieła ŭ DTZ u Aršanskim rajonie z udziełam troch aŭtamabilaŭ, pamierła ŭ balnicy, pieradajuć «Narodnyja naviny Viciebska».
Fota UUS Viciebskaha abłvykankama
U noč na 22 studzienia kala 01:25 na 135 kiłamietry aŭtadarohi M-8 u rajonie vioski Klukaŭka Aršanskaha rajona kiroŭca Renault Duster nie spraviŭsia z kiravańniem, vyjechaŭ na pałasu sustrečnaha ruchu i sutyknuŭsia spačatku z aŭtamašynaj Opel Omega, a zatym Nissan Primera.
Fota UUS Viciebskaha abłvykankama
47-hadovy kiroŭca Renault Duster, žychar ahraharadka Raska Mahiloŭskaj vobłaści, zahinuŭ na miescy. Ratavalniki z dapamohaj hidraŭličnaha avaryjnaha abstalavańnia dastali jahonaje cieła z abłomkaŭ mašyny.
Pasažyry: 16-hadovy chłopiec, 17-hadovaja dziaŭčyna i 41-hadovaja žančyna atrymali traŭmy i byli dastaŭlenyja ŭ Aršanskuju haradskuju balnicu №1, paviedamlała pres-słužba MNS.
22 studzienia dziaŭčyna-pasažyrka pamierła ŭ balnicy.
Kiroŭca «Opel», žychar Viciebska, paśla akazańnia jamu miedycynskaj dapamohi byŭ adpuščany dadomu.
39-hadovy žychar Babrujska, jaki kiravaŭ «Nissan», nie paciarpieŭ.
Raźbiralnictva pa fakcie DTZ pravodziać adździaleńnie DAI Aršanskaha RAUS, śledčy kamitet.