Dniami halereja rasijskaj prapahandy papoŭniłasia jašče adnym šedeŭram, u jakim aŭtary sprabujuć pasvaryć Jeŭropu z Ukrainaj praz fejkavy zvarot «azoŭcaŭ».
Na novastvoranym kanale YouTube źjaviŭsia videazvarot «vajskoŭcaŭ» «Azova», u jakim padstaŭnyja aktory zajaŭlajuć, što praź niežadańnie niderłandcaŭ padpisvać asacyjacyju z Ukrainaj «Azoŭ» vymušany reahavać — «ścierci Niderłandy».
Butaforskija žaŭniery spačatku z pamyłkami pa-ŭkrainsku pahražajuć hałandcam, a potym pa-anhlijsku abiacajuć «znachodzić ich paŭsiul: u łožku i na pracy».
U kamientaryi «Našaj Nivie» biełaruskija dabraachvotniki «Azova» nazvali videa «cyrkam na drocie, uzroŭniu ŭkryžavanaha chłopčyka».
A ŭ aficyjnym abviaržeńni (apublikavanym na aficyjnym kanale «Azova») namieśnik kiraŭnika «Azova» źviarnuŭ uvahu na niestatutnyja boty fejkavych azoŭcaŭ, adsutnaść šaŭronaŭ, schavanyja tvary i, asabliva, na strajkbolnyja aŭtamaty — u AKMy akcioraŭ ustaŭlenyja ražki dla aŭtamataŭ inšaha kalibru.
