«Natatki pra Šerłaka Chołmsa» Artura Konana Dojła pa-biełarusku vyjšli pry kancy minułaha hoda. U zborniku 12 apaviadańniaŭ, u tym liku znakamitaja «Apošniaja sprava Chołmsa» pra prafiesara Maryjarci i Rajchienbachski vadaspad.
U prezientacyi voźmuć udzieł pierakładčyki apaviadańniaŭ Alena Kazłova, Kaciaryna Macijeŭskaja, Siaržuk Miadźviedzieŭ, Hanna Jankuta, a taksama inšyja ludzi, što pracavali nad vydańniem, paviedamlaje sajt internet-časopisa pierakładnoj litaratury «PrajdziŚviet».
«Natatki pra Šerłaka Chołmsa» zmahli vyjści dziakujučy padtrymcy prykładna 100 čałaviek,
jakija achviaravali na vydańnie hrošy, a taksama dapamahali z padrychtoŭkaj knihi.
Achviaravańni na vydańnie knihi źbirali praź internet. Usiaho, jak paviedamlaje Talaka.by, było sabrana 61 950 000 rubloŭ.
Pieršaja kniha pra Šerłaka Chołmsa pa-biełarusku — «Pryhody Šerłaka Chołmsa» — vyjšła ŭ kancy 2014 hoda. Ciapier pierakładčyki pracujuć nad treciaj knihaj, u jakuju ŭvojduć dźvie apovieści pra znakamitaha detektyva.