Učora ŭ pieradačy «Hałoŭny efir» na telekanale «Biełaruś-1» byŭ pakazany repartaž pra zatrymanaha ŭ Minsku bajevika «DNR». Televizijščyki paviedamili, što 29-hadovaha mužčynu (raniej paviedamlałasia, što jamu 35 hadoŭ) zatrymali prosta na minskim vakzale.
Z saboj jon mieŭ uznaharody, a taksama videakadry ź pieradavoj, jakija dakazvajuć jahony ŭdzieł u bajavych dziejańniach.
U bajevika pazyŭny «Taras». Jahonyja kalehi ŭ videa kažuć: «Heta Taras, jon zusim «biazbašanny» na hałavu. U Tarasa zusim «bašni» niama».
Na kadrach «Taras» demanstruje, jak budzie zabivać praciŭnikaŭ. Sam «Taras» u karotkaj narezcy razmaŭlaje adnymi matami.
Jon słužyŭ u bryhadzie «Uschod» bolš za hod. U vučebcy «Tarasa» pratrymali ŭsiaho dzień, bo ŭ jaho za plačyma była słužba ŭ biełaruskim vojsku. Jon byŭ raźviedčykam, udzielničaŭ u bajach za Daniecki aeraport.
Sam «Taras» vychvalaŭsia, što zabiŭ bolš za 100 čałaviek. Jon mieŭ z saboj uznaharodu «Za bajavyja zasłuhi».
«Taras» byŭ zatrymany 10 studzienia. Jon znachodziŭsia ŭ vyšuku praź niaspłatu alimientaŭ.
