Avijakampanija LOT admianiła siońniašnija rejsy LO-705/B2-705 Varšava—Minsk (prylot pa raskładzie ŭ 15.05) i LO-706/B2-706 Minsk—Varšava (vylet — 15.55). Dadzienaje rašeńnie pryniata z-za niepahadzi, paviedamili ŭ pradstaŭnictvie LOT ŭ Minsku.
Raniej na elektronnym tabło na sajcie Nacyjanalnaha aeraporta Minsk paviedamlałasia, što prylot rejsa Varšava-Minsk zatrymlivajecca. «Samalot nie byŭ adpraŭleny z Varšavy ŭ Minsk, adpaviedna, nazad ź Minska ŭ Varšavu jon taksama nie vylecić. Pasažyram, u jakich byli kvitki na hetyja rejsy, prapanavana vylecieć zaŭtra abo pieraaformić kvitki na inšyja rejsy. Ź Minska siońnia pavinny byli vylecieć kala 70 čałaviek», — adznačyli ŭ pradstaŭnictvie LOT ŭ Minsku.
«Bolšaść pasažyraŭ adpraviacca zaŭtra. Na rejsy 13 studzienia miescy jość, tamu palacieć možna budzie biez prablem», — dadali śpiecyjalisty.
Raniej avijakampanija Lufthansa admianiła siońniašni rejs LH-1486 Frankfurt—Minsk.
U toj ža čas Nacyjanalny aeraport Minsk pracuje ŭ štatnym režymie i adpraŭlaje samaloty biez zatrymak, dla ačystki śniehu pracuje śpiecyjalnaja technika.
