Rasijskich navukoŭcaŭ ź Instytuta fizika-chimičnaj bijałohii MDU abaviazali pakazvać FSB svaje pracy pierad ich publikacyjaj. Pra heta paviedamlaje časopis Nature sa spasyłkaj na pratakoł pasiadžeńnia ŭ hetym instytucie, jakoje adbyłosia 5 kastryčnika.
U pratakole navukoŭcam nahadali, što jany pavinny atrymać dazvoł na publikacyju luboha artykuła, vystupu na kanfierencyi abo prezientacyi jak za miažoj, tak i ŭ Rasii.
Anałahičnaje patrabavańnie vystaŭlena i supracoŭnikam inšych navukovych ustanovaŭ u Rasii. Niekatoryja skardziacca na toje, što dziela pravierki im davodzicca pierakładać svaje inšamoŭnyja pracy na ruskuju movu. Darečy, takija praviły papiaredniaj pravierki isnavali ŭ SSSR.
Pravierki stali abaviazkovymi paśla taho, jak u sakaviku hetaha hoda prezident Rasii Uładzimir Pucin źmianiŭ śpis źviestak, jakija adnosiacca da dziaržaŭnaj tajamnicy. Da ich adnosiacca i navukovyja daśledavańni, jakija mohuć być skarystanyja dla «novych praduktaŭ». Jak adznačaje meduza.io, nasamreč naŭprostavaj zabarony va ŭkazie Pucina niama, adnak u 2006 hodzie Pucin zrabiŭ tajamnicaj źviestki ab dasiahnieńniach navuki i techniki i ab technałohijach.
