Na sajcie ŭrada Rasijskaj Fiederacyi apublikavany tekst Pahadnieńnia pamiž Rasijskaj Fiederacyjaj i Respublikaj Biełaruś ab rasijskaj avijacyjnaj bazie na terytoryi Respubliki Biełaruś.
Zhodna z art. 3 Pahadnieńnia rasijskaja avijacyjnaja baza (RAB) uvachodzić u skład Adzinaj rehijanalnaj sistemy supraćpavietranaj abarony Rasijskaj Fiederacyi i Respubliki Biełaruś (ARSSA) i vyrašaje zadačy ŭ adpaviednaści z Pałažeńniem ab ARSSA, uklučajučy procidziejańnie aktam uzbrojenaha napadu z boku mižnarodnych terarystyčnych farmiravańniaŭ. Rasijskaja avijacyjnaja baza nie moža vykarystoŭvacca ŭ inšych metach, akramia praduhledžanych Pahadnieńniem.
Miesca dysłakacyi RAB Pahadnieńniem nie vyznačana.
U suviazi z hetym Pahadnieńniem pajšli sprečki nakont adpaviednaści jaho častcy druhoj art. 18 Kanstytucyi Respubliki Biełaruś: «Respublika Biełaruś stavić za metu zrabić svaju terytoryju bieźjadziernaj zonaj, a dziaržavu — niejtralnaj». Sprava ŭ tym, što Kanstytucyja naŭprost nie zabaraniaje źmiaščać u nas zamiežnyja bazy i jadziernuju zbroju (kali jaje čytać litaralna).
Na žal, u pytańniach takoha kštałtu Kanstytucyjny sud razhladaje adpaviednaść zakonaŭ ab ratyfikacyi pahadnieńniaŭ Kanstytucyi i zakanadaŭstvu mienavita nie pa sutnaści (nie z punktu hledžańnia «duchu zakona»), a bolš z pracedurna-farmalnaha boku. Naprykład, 17 kastryčnika 2012 hoda Kanstytucyjny sud pryniaŭ rašeńnie № R-766/2012 «Ab adpaviednaści Kanstytucyi Respubliki Biełaruś Zakona Respubliki Biełaruś «Ab ratyfikacyi Pratakoła ab raźmiaščeńni abjektaŭ vajennaj infrastruktury na terytoryjach dziaržaŭ — členaŭ Arhanizacyi Damovy ab kalektyŭnaj biaśpiecy»».
Tak, KS RB adznačaje, što ŭ artykule 1 Pratakoła praduhledžvajecca, što dziaržavy-ŭdzielniki ADKB prymajuć rašeńnie ab raźmiaščeńni na svaich terytoryjach hrupovak vojskaŭ, abjektaŭ vajennaj infrastruktury dziaržaŭ, jakija nie źjaŭlajucca členami ADKB, paśla praviadzieńnia nieadkładnych kansultacyj (uzhadnieńnia) ź inšymi dziaržavami-ŭdzielnicami ADKB i pry adsutnaści ich aficyjnych piarečańniaŭ. (Heta aznačaje, što biez dazvołu de-fakta Rasii my na svajoj terytoryi ničyjoj inšaj bazy (akramia baz dziaržaŭ ADKB) raźmiaścić nie zmožam). Ale ž nadalej KS RB razhladaje nie adpaviednaść Pratakoła častcy druhoj artykuła 18 Kanstytucyi, a tolki farmalny bok — nieabchodnaści ratyfikacyi Pratakoła ŭ formie zakona.
Biezumoŭna, što RAB u vyniku stanie mišeńniu dla błoka NATA. Ale ž heta pahroza ŭ vypadku maštabnaj vajny.
Jość cikavyja momanty ŭ Pahadnieńni nakont napadu na RAB u miežach Biełarusi.
Tak, p. 4 art. 3 Pahadnieńnia nadaje prava kamandziru RAB pry pahrozie ździajśnieńnia terarystyčnaha akta pa ŭzhadnieńni z upaŭnavažanym orhanam Biełaruskaha Boku pryniać rašeńnie ab prymianieńni vajskovych farmavańniaŭ RAB dla ŭzmacnieńnia achovy vajennych abjektaŭ Rasijskaj Fiederacyi. Treba adznačyć, što pad abjektami ŭ Pahadnieńni majucca na ŭvazie rasijskaja avijacyjnaja baza ŭ miescach dysłakacyi i vajskovyja farmavańni RAB, raźmieščanyja pa-za miescami dysłakacyi, a nie isnujučyja na terytoryi Biełarusi abjekty Rasii RŁS «Vołha» i 43 radyjostancyja ŭ Vilejcy.
Dalej, pry ŭźniknieńni pahrozy žyćcia i biaśpieki asabovamu składu RAB i členam siamiej asob ź liku asabovaha składu RAB pa ŭzhadnieńni z upaŭnavažanym orhanam i kampietentnymi orhanami Biełaruskaha Boku moža vydavacca zbroja z pravam jaje našeńnia, zachoŭvańnia i prymianieńnia pa-za miescami dysłakacyi RAB na terytoryi Respubliki Biełaruś (art. 11). Navošta nam rasijskija vajskoŭcy sa zbrojaj u biełaruskich haradach i da čaho heta moža pryvieści — pytańnie rytaryčnaje…
Dla abarony rasijskich vojskaŭ dastatkova było b krychu ŭzmacnić isnujučyja ŭ vierahodnych punktach dysłakacyi RAB (Baranavičach i Babrujsku) padraździaleńni Unutranych vojskaŭ MUS RB, a nie davać zbroju rasijanam.
Biełaruś tolki ŭ miežach dazvolenaha budzie viedać, što nasamreč budzie adbyvacca na RAB, tamu što nieruchomaja majomaść RAB niedatykalnaja, pradstaŭniki orhanaŭ ułady Respubliki Biełaruś nie majuć prava ŭvachodzić u miescy dysłakacyi RAB i na vajennyja abjekty Rasijskaj Fiederacyi biez zhody kamandzira RAB (art.10).
Dostup pradstaŭnikoŭ upaŭnavažanaha orhana i kampietentnych orhanaŭ Biełaruskaha Boku na terytoryju RAB ažyćciaŭlajecca sa zhody kamandzira RAB abo asoby pa zajaŭkach upaŭnavažanaha orhana Biełaruskaha Boku (art.15). Bolš za toje,
transpartnyja srodki i pavietranyja sudny ŭpaŭnavažanaha orhana Rasijskaha Boku, jakija vykarystoŭvajucca dla zabieśpiačeńnia žyćciadziejnaści i funkcyjanavańnia RAB, karystajucca imunitetam ad vobšuku, rekvizicyi, aryštu i inšych prymusovych mier, u tym liku zabieśpiačalnaha charaktaru i vykanaŭčych dziejańniaŭ.
Niekatoryja palityčnyja ahladalniki vykazvali dumku, što z padpisańniem hetaha pahadnieńnia Łukašenku budzie ciažka vieści pieramovy z Zachadam, naprykład, ab kredytach. Ale ci tak heta nasamreč? Sprava ŭ tym, što
zhodna z art. 4 Pahadnieńnia skład (typ i kolkaść pavietranych sudnaŭ, uzbrajeńnia i vajennaj techniki, kolkaść asabovaha składu) rasijskaj vajennaj bazy vyznačajecca Rasijskim Bokam pa ŭzhadnieńni ź Biełaruskim Bokam. Takim čynam, i paśla ŭstupleńnia ŭ siłu Pahadnieńnia Łukašenku (u vyznačanych miežach) budzie čym «handlavać» z Zachadam. Cikava adznačyć, što ni Damova ab nieraspaŭsiudzie jadziernaj zbroi, ni inšyja mižnarodnyja abaviazalnictvy Respubliki Biełaruś nie zabaraniajuć raźmiaščeńnie rasijskaha jadziernaha ŭzbrajeńnia na RAB. A ŭzhadnieńnie ci nieŭzhadnieńnie (albo zvyčajny blef na hety kont) aźmiaščeńnia rasijskaj jadziernaj zbroi na RAB — heta vielmi kaštoŭny «tavar».
Pahadnieńnie pačynaje časova prymianiacca pa skančeńni 10-dzionnaha terminu z daty jaho padpisańnia i ŭstupaje ŭ siłu z daty atrymańnia apošniaha piśmovaha paviedamleńnia ab vykanańni Bakami ŭnutrydziaržaŭnych pracedur. Na praciahu 3 miesiacaŭ z dnia ŭstupleńnia ŭ siłu Pahadnieńnia Biełaruś pieradaje ziamielnyja nadzieły i nieruchomuju majomaść RAB. Pahadnieńnie dziejničaje na praciahu 15 hadoŭ i aŭtamatyčna praciahvajecca na nastupnyja pieryjady pa 5 hod, kali ni adzin z Bakoŭ nie nakiruje druhomu Boku piśmovaje paviedamleńnie ab svaim namiery spynić jaho dziejańnie.
Takim čynam, čas i prastora dla «handlu» jość…
