U sakrataryjacie ADKB u Maskvie 25 červienia adbylisia kansultacyi ekśpiertaŭ zacikaŭlenych ministerstvaŭ i viedamstvaŭ dziaržaŭ — siabroŭ Arhanizacyi Dahavora ab kalektyŭnaj biaśpiecy pa pytańni stvareńnia centra kryzisnaha reahavańnia (CKR) ADKB.
Jak paviedamlaje pres-sakratar ADKB Uładzimir Zajnietdzinaŭ, udzielniki mierapryjemstva abmierkavali padychody da stvareńnia CKR, razhladzieli prajekty adpaviednaha pałažeńnia i rehłamientu infarmacyjnaha ŭzajemadziejańnia.
Miarkujecca, što centr kryzisnaha reahavańnia ADKB budzie stvorany na bazie kompleksu prahramna-techničnych srodkaŭ i infarmacyjnych technałohij, abstalavańnie jakoha ŭ ciapierašni čas ažyćciaŭlajecca na terytoryi adnaho z vajennych haradkoŭ Ministerstva abarony Rasii ŭ Maskvie.
