Plaž u hateli Susa paśla ataki. Cieła zabitaha razmyta.
Cełuju sieryju teraktaŭ praviali siońnia va ŭsim śviecie isłamskija terarysty.
Dramatyčnyja padziei razharnulisia na tuniskim kurorcie Sus. Terarysty z aŭtamatami napali tut na dva poŭnyja turystaŭ hateli. Jany rasstralali 37 čałaviek, jašče kala 36 paranienyja, dadzienyja praciahvajuć pastupać. Siarod achviaraŭ pieravažna brytancy, niemcy i tuniscy.
Siłam biaśpieki ŭdałosia źniščyć u pierastrełcy adnaho z terarystaŭ.
Pavodle telekanała «Al-Džazira», u vyniku teraktu ŭ Kuviejcie pamierli jak minimum 24 čałavieki.
U svaju čarhu spadarožnikavy telekanał «Al-Chadas» aceńvaje kolkaść zahinułych u 25 čałaviek. Pavodle apošnich źviestak, paraniena 202.
Adkaznaść za napad uziali na siabie bajeviki terarystyčnaj arhanizacyi «Isłamskaja dziaržava».
Vybuch u miačeci El-Kuviejta adbyŭsia 26 červienia ŭ momant piatničnaj malitvy. Vybuchovaje prystasavańnie pryvioŭ u dziejańnie teraryst-śmiarotnik. Dla bahataha naftaj emirata padobny napad źjaŭlajecca pieršym u takim rodzie.
Taksama ŭ vyniku napadu isłamistaŭ u Samali zahinuli nie mienš za 30 čałaviek.
Kolkaść zahinułych u vyniku napadu bajevikoŭ hrupoŭki «Aš-Šabab» na bazu kantynhientu Afrykanskaha sajuza ŭ samalijskim horadzie Leha skłała nie mienš za 30.
Pa ŭdakładnienych dadzienych, teraryst-śmiarotnik nakiravaŭ u varoty bazy načynieny vybuchoŭkaj aŭtamabil, paśla čaho pamiž jaho saŭdzielnikami i vajskoŭcami zaviazałasia pierastrełka.
Siońnia raniej stała taksama viadoma pra napad isłamista na zavod u Francyi, dzie zahinuli dva čałavieki.
Samy ž strašny vynik daŭ napad Isłamskaj Dziaržavy na kurdski horad Kabani na poŭnačy Siryi. U horadzie i susiednich vioskach zahinuła 146 čałaviek.
