Na kvietkavaje afarmleńnie, zakupku, ŭstanoŭku, pryviadzieńnie ŭ paradak małych architekturnych formaŭ arhanizacyjami handlu i hramadskaha charčavańnia Minska vydatkavana bolš za 3 miljardy rubloŭ (kala $200 tysiač).
Takija dadzienyja ahučyŭ namieśnik načalnika Hałoŭnaha ŭpraŭleńnia spažyvieckaha rynku Minharvykankama Andrej Vaźniščyk.
Bolš za ŭsich na azielanieńnie i kvietkavaje afarmleńnie svaich abjektaŭ raskašeliŭsia «Jeŭrahandal» (kramy «Jeŭraopt») - 274 miljony rubloŭ. Taksama čynoŭnik pachvaliŭ univiermah «Biełaruś», Kamaroŭski rynak, HUM, CUM.
«Vyjaŭlajucca adzinkavyja arhanizacyi, jakija praihnaravali daručeńnie i farmalna pastavilisia da kvietkavaha afarmleńnia svaich abjektaŭ. Prykładam takich pradpryjemstvaŭ źjaŭlajecca sietka «Rubloŭski», — aburyŭsia Vaźniščyk.
