iPhone 6. Fota: CNet
Mabilny apieratar life:) anansavaŭ start prodažaŭ 26 červienia smartfonaŭ Apple iPhone 6 i iPhone 6 Plus. Pakul nijakija inšyja padrabiaznaści nie paviedamlajecca.
Taksama 26 červienia startujuć prodažy iPhone 5s, iPhone 6 i iPhone 6 Plus u kramie iStore, adzinaj u Biełarusi sa statusam Apple Premium Reseller. Papiarednija zamovy startujuć 21 červienia.
Akramia taho, iPhone mohuć źjavicca ŭ kramach «Jeŭrasieć», «Na suviazi», «5-y elemient», «Ało», «Elektrasiła» i «Karona Techna».
life:) i iStore pakul nie nazyvajuć ceny na novyja iPhone.
Biełaruskija apieratary i roźničnyja sietki raniej pradavali praktyčna lubuju pradukcyju Apple akramia iPhone.
Kampanija Apple prytrymlivajecca raspaŭsiudu iPhone praz ŭłasnyja kramy Apple Store ci praz damovy z apieratarami. Navat u kramie sa statusam Apple Premium Reseller pradavalisia iPod, iPad, MacBook — ale nie iPhone.
Ułasna iPhone možna było nabyć u nieaficyjnych pastaŭščykoŭ. Na siońnia cana iPhone 6 ź minimalnym abjomam pamiaci ŭ ich skłałaje kala 10,4 młn biełaruskich rubloŭ, na iPhone 6 Plus — kala 12 młn.
***
iPhone 6 i iPhone 6 Plus byli pradstaŭlenyja ŭ vieraśni 2014 hoda. Hałoŭnaje adroźnieńnie ich ad papiarednikaŭ — pavieličeńnie dyjahanali ekranu da 4,7 i 5,5 calaŭ adpaviedna. Razam sa smartfonami Apple pradstaviła razumny hadzińnik Apple Watch.
Čytajcie taksama: Novyja OS X i iOS: što cikavaha pakazała Apple