Pry zamachu ŭ samaabvieščanaj «Łuhanskaj narodnaj respublicy» zahinuŭ kamandzir bataljona «Pryvid» Alaksiej Mazhavy. Razam ź im zahinuła i jaho pamočnica Hanna, piša ŭ subotu, 23 maja, «Novaja hazieta».
Hazieta piša, što Mazhavy pamior paśla ciažkaha ranieńnia. Mašynu palavoha kamandzira abstralali, kali jany vyjazdžali z Ałčeŭska ŭ Łuhansk. Adznačajecca, što Hanna pamierła na miescy, a Mazhavy - praz 40 chvilin.
Spačatku aŭtamabil byŭ padarvany pry dapamozie vybuchovaha prystasavańnia, a paśla hetaha byŭ abstralany z kulamiotaŭ. Na dadzieny momant viadoma pra hibiel siami čałaviek, ale heta jašče nie dakładna. Asoby zahinułych vyśviatlajucca.
2 maja stała viadoma, što supracoŭniki śpiecsłužbaŭ samaabvieščanaj «Łuhanskaj narodnaj respubliki» ŭ chodzie śpiecapieracyi zabili palavoha kamandzira atrada łuhanskich sieparatystaŭ Alaksandra Biadnova z pazyŭnym «Betmien». Hienprakuratura daručyła zatrymać Biadnova i jaho bajcoŭ i zabiaśpiečyć ich jaŭku na dopyt. Pry zatrymańni 1 studzienia 2015 Biadnoŭ akazaŭ uzbrojeny supraciŭ. U vyniku zaviazałasia pierastrełka, i jon byŭ zabity, a jaho bajcy - zatrymanyja.
Hladzi jašče pra Mazhavoha:
U «ŁNR» abvierhli rasstreły za homaseksualizm
