Prasoŭvańnie Biełarusi ŭ kirunku Jeŭropy stoparycca z-za «hetak zvanych palitviaźniaŭ», zajaviŭ ministr zamiežnych spraŭ Uładzimir Makiej, razmaŭlajučy z žurnalistami pa vynikach samitu Uschodniaha partniorstva 22 maja ŭ Ryzie.
Videa belsat.eu.
«Ja nie razumieju, pra što vy havorycie, tamu što prablemy palitviaźniaŭ nie isnuje, — skazaŭ jon. — Tak, jość ludzi, jakija znachodziacca ŭ turmie za ŭčynieńnie kankretnych pravaparušeńniaŭ, za ŭčynieńnie kankretnych złačynstvaŭ. Ja dahetul nie mahu zrazumieć, jak mohuć traktavacca hetak zvanymi palityčnymi źniavolenymi ludzi, jakija kidajuć kaktejli Mołatava, nie maje značeńnia — u budynak rasijskaha pasolstva, u budynak Fiederacyi prafsajuzaŭ, u budynak Ministerstva abarony».
Na zaŭvahu pra toje, što eks-kandydat u prezidenty Biełarusi Mikałaj Statkievič, jaki znachodzicca dahetul u turmie, nie kidaŭ kaktejli Mołatava, Makiej zajaviŭ: «Heta asobnaja historyja. Vy možacie pahladzieć videa, jakoje tranślavałasia pa zachodnich srodkach masavaj infarmacyi, jak jon zaklikaŭ uvarvacca ŭ budynak urada niekalki hadoŭ tamu paśla prezidenckich vybaraŭ».
«Dziakujučy voś hetym tak zvanym palitviaźniam i prasoŭvańnie Biełarusi ŭ kirunku Jeŭropy krychu stoparycca, zapavolvajecca. Čamu? Tamu što jany vyvieli ludziej na płošču, kinuli, stvaryli prablemu. Vyniki ž našych vybaraŭ tady acanili ŭsie narmalna i stanoŭča. Pytańnie było tolki da tych padziej, jakija zdarylisia paśla vybaraŭ. I pytańnie było tolki da zanadta emacyjanalnaj z padkazki našaj apazicyi acenki Jeŭrasajuzam hetych padziej. Tamu nijakich palitviaźniaŭ u Biełarusi niama», — padkreśliŭ kiraŭnik MZS Biełarusi.
Jon dadaŭ, što ŭsie, chto znachodziacca ŭ turmie, mohuć napisać prašeńnie ab pamiłavańni. «Pa vialikim rachunku, heta nie prablema — jość pravavyja asnovy, kab jany vyjšli na volu. Napišuć prašeńnie ab pamiłavańni, kamisija ab pamiłavańni razhladaje hetyja prašeńni, a dalej kiraŭnik dziaržavy abo zaćviardžaje hetyja prašeńni, abo viartaje na dadatkovy razhlad», — skazaŭ Makiej.
Taksama Makiej zajaviŭ, što pahadnieńnie ab spraščeńni vizavaha režymu i readmisii na samicie Uschodniaha partniorstva ŭ Ryzie nie było parafiravana nie pa vinie Biełarusi.
«My pracavali ź Jeŭrasajuzam nad pytańniem zaklučeńnia pahadnieńniaŭ, — skazaŭ jon. — Heta była inicyjatyva našaha prezidenta, jakuju ja, pa jaho daručeńni, abnarodavaŭ na Vilniuskim samicie. Było praviedziena niekalki kansultacyj. My dastatkova paśpiachova prasunulisia pa pytańniach zaklučeńnia hetych pahadnieńniaŭ. I mahu skazać, što faktyčna my znachodzimsia blizka da finalnaj stadyi».
Pavodle jaho słoŭ, biełaruski bok pa prośbie jeŭrapiejskich partnioraŭ navat pačaŭ praceduru ŭnutranaha ŭzhadnieńnia hetych dakumientaŭ dla taho, kab uzvažyć, nakolki jany adpaviadajuć nacyjanalnym intaresam. «Ale na jakimści etapie našy partniory znajšli niejkija techničnyja začepki, jakija nie dazvolili nam vyjści na parafiravańnie hetych pahadnieńniaŭ na hetym samicie, — zaznačyŭ Makiej. — Tamu my praciahvajem pracavać nad imi, damovilisia, što ekśpierty buduć sustrakacca. Paviercie, heta absalutna nie pa našaj vinie».
Makiej zaznačyŭ, što praca nad pahadnieńniami zapatrabuje času. «My hatovy pracavać nad hetym razam ź Jeŭrasajuzam. Dumaju, što ekśpierty praciahnuć kanstruktyŭnaje supracoŭnictva ŭ hetym kirunku. Ale ŭžo nie chaciełasia b, ab čym my zaŭsiody havaryli, prymiarkoŭvać heta da niejkich pamiatnych, jubilejnych dat», — padkreśliŭ jon.
Ministr taksama zajaviŭ, što Biełaruś zacikaŭlenaja brać udzieł va Uschodnim partniorstvie, ale miarkuje, što ŭ asnovie hetaj inicyjatyvy ES pavinna stajać ekanomika.
«My zacikaŭlenyja ŭ tym, kab inicyjatyva «Uschodniaje partniorstva» isnavała, i zacikaŭlenyja ŭ raŭnapraŭnym udziele Biełarusi ŭ joj», — skazaŭ jon. — My hatovyja rabić svoj maksimalny ŭniosak u raźvićcio hetaj inicyjatyvy. My chočam, kab hetaja inicyjatyva prynosiła kankretnuju addaču. My možam abmiažoŭvacca niejkimi palityčnymi dekłaracyjami, zapeŭnivać adzin adnaho ŭ tym, što treba ruchacca ŭ kirunku ES ci jašče niekudy, ale z hetaha nie budzie tołku, kali prostyja ludzi nie adčujuć kankretnuju addaču ad hetaj inicyjatyvy. Tamu hetaja inicyjatyva pavinna być nacelenaja na vynik».
Pavodle słoŭ Makieja, u asnovie Uschodniaha partniorstva pavinna stajać, u pieršuju čarhu, ekanomika. «I my, darečy, vielmi aktyŭna pracujem u biźnies-vymiareńni Uschodniaha partniorstva. My ŭnieśli šerah kankretnych prapanoŭ. Naša apošniaja inicyjatyva ab harmanizacyi ličbavych rynkaŭ krain ES i Uschodniaha partniorstva była vielmi aktyŭna padtrymanaja našymi partniorami. Heta toje, što aryjentavanaje na budučyniu, što važnaje dla našych maładych ludziej. Sioleta buduć arhanizavanyja šerah sustreč pa prapracoŭcy hetaj inicyjatyvy», — skazaŭ kiraŭnik MZS Biełarusi.
Biełaruś u cełym aceńvaje vyniki samita Uschodniaha partniorstva «dastatkova kanstruktyŭna», zajaviŭ ministr zamiežnych spraŭ na zakančeńnie.
Pry hetym jon padkreśliŭ, što «nie ŭdałosia paźbiehnuć z vusnaŭ pradstaŭnikoŭ asobnych krain kanfrantacyjnaj rytoryki». «Heta i ŭ kantekście ŭkrainskaha kryzisu, i ŭ kantekście acenki ŭnutranaj situacyi ŭ krainach — udzielnicach Uschodniaha partniorstva, — skazaŭ Makiej. — Ale ŭsio-taki hałoŭnaje, što ja vynies z hetaha samita (i pra heta kazali kiraŭniki ŭsich dziaržaŭ), heta toje, što nielha dapuścić źjaŭleńnia novych raździalalnych linij u Jeŭropie, nielha stavić dziaržavy Uschodniaha partniorstva pierad vybaram: «ty ci ź biełymi, ci z čyrvonymi». I treba dumać nad tym, jak zabiaśpiečyć mir, spakoj i stabilnaść u rehijonie».
Biełaruś, pavodle słoŭ Makieja, spakojna stavicca da taho, što na samicie «na žal, kanfrantacyjnaj rytoryki nie ŭdałosia paźbiehnuć». «My svaju pazicyju dakładna zajavili, — skazaŭ jon. — I my bačym, što taksama mianiajecca razumieńnie taho, jak pavinna mianiacca Uschodniaje partniorstva ŭ dalejšym. I mianiajecca staŭleńnie da asobnych krain — udzielnic partniorstva. Nie paraŭnać toje, što było ŭ Vilniusie (majecca na ŭvazie Vilniuski samit Uschodniaha partniorstva 28—29 listapada 2013 hoda), i toje, što ciapier, u acency, naprykład, dziejańniaŭ Biełarusi, acency inšych krain».
