fota z fejsbuka prezidenta Litvy
Dekłaracyja samita Uschodniaje partniorstva ES u Ryzie pryniataja, paviedamiła TASS prezident Litvy Dala Hrybaŭskajcie. Hetuju infarmacyju RIA Naviny paćvierdziŭ słavienski premjer-ministr Mirasłaŭ Cierar.
Hrybaŭskajcie, adkazvajučy na pytańnie, ci zastałasia ŭ dakumiencie farmuloŭka «anieksija Kryma», skazała: «Viadoma, biez hetaha dekłaracyja nie była b pryniataja».
Pierad pačatkam samita stała viadoma, što Biełaruś i Armienija nie stanuć padpisvać dekłaracyju, kali ŭ joj dałučeńnie Kryma da Rasii budzie nazvana anieksijaj.
U Ryzie pravodzilisia dadatkovyja kansultacyi pa hetym pytańni. Jeŭrasajuz byŭ nie hatovy prybirać hetaje słovazłučeńnie z tekstu. U jakaści kampramisu była prapanova prapisać u tekście asobnym punktam pazicyju Biełarusi i Armienii pa hetym pytańni.
Hladzi taksama Łukašenka: Biełaruś pryncypova nie padpiša dakumienty samita Uschodniaha partniorstva z antyrasijskimi vykazvańniami
