Jak čakajecca, pradstaŭniki ZŠA i Rasii abmiarkujuć šerah mižnarodnych prablem, u tym liku situacyju ŭ Iranie i Siryi. «Hetaja pajezdka — častka našych pastajannych namahańniaŭ dla padtrymańnia pramoj suviazi z vysokapastaŭlenymi rasijskimi čynoŭnikami», — adznačyli ŭ Biełym domie.
Raniej kiraŭnik MZS Rasii Siarhiej Łaŭroŭ na sustrečy z Kiery ŭ Sočy padnios jamu ŭ jakaści padarunka krasnadarskija pamidory i bulbu, paviedamiła namieśnik kiraŭnika departamienta infarmacyi i druku MZS Maryja Zacharava.
«Łaŭroŭ padaryŭ Kiery krasnadarskija pamidory i bulbu, jakaja znachodzicca ŭ dalokich rodnasnych suviaziach z toj, jakuju ŭ svoj čas jamu pryvioz amierykanski kaleha», — napisała Zacharava na svajoj staroncy ŭ fejsbuku.
Pavodle jaje słoŭ, Kery taksama atrymaŭ u padarunak ad Łaŭrova futbołku ź simvolikaj Pieramohi.
U svaju čarhu, kiraŭnik dziaržaŭnaha departamienta padaryŭ rasiejskamu kalehu śpis cytat rasijskich ŚMI, jakija, na jaho pohlad, nie adlustroŭvajuć realny patencyjał maštabnych rasiejska-amierykanskich adnosin, dadała Zacharava.
