Ełan Mask — hienij, miljarder, biazdomny? Fota: theatlantic.com
Suzasnavalnik i hałoŭny vykanaŭčy dyrektar Google Łary Pejdž raspavioŭ aŭtaru knihi «Elon Musk: Tesla, SpaceX, and the Quest for a Fantastic Future» pra toje, što Mask časta prosić pieranočyć u adnoj ź jaho spalniaŭ, pieradaje Business Insider.
Chacia ŭ kišeni Maska 13 młrd dalaraŭ, a adna tolki jaho viła ŭ Łos-Anželesie kaštuje 17 młn, u Kremnijevaj dalinie jamu niama dzie spynicca. Ale Mask nie suprać pieranačavać u siabra.
«Jon niby biazdomny, što ja znachodžu zabaŭnym», — kaža Pejdž pra Maska.
Zasnavalnik i dyrektar Tesla Motors dy SpaceX štotydzień naviedvaje Kremnijevuju dalinu — u Pała-Alta mieścicca štab-kvatera Tesla. Svajho domu tam jon nie maje, zatoje čas ad času prosić Pejdža spynicca ŭ jaho domie na 6 spalniaŭ za 15 młn dalaraŭ.
«Jon piša mnie na poštu: «Ja nie viedaju, dzie pieranačavać, možna zajechać?». Ale ja jamu nie davaŭ kluč ci niešta takoje», — raspaviadaje dyrektar Google.
Viła Ełana Maska z Google Maps, Łos-Anželes, 17 młn dalaraŭ
Viła Łary Pejdža z Google Maps, Pała-Alta, 15 młn dalaraŭ
Žytło Pejdža i Maska daloka nie samaje darahoje ŭ IT-śviecie. Suzasnavalnik i dyrektar Oracle Łary Elisan vałodaje cełym havajskim vostravam Linai, za jaki zapłaciŭ 300 młn dalaraŭ i na jakim źbirajecca zbudavać zvyškamfartabielny hatel. Śledam za im idzie Bił Hiejts ź jaho viłaj Xanadu 2.0 u štacie Vašynhton, što aceńvajecca ŭ 121 młn dalaraŭ.
***
U knizie pra Ełana Maska jaje aŭtar Ešli Vens raspaviadaje pra vypadak, kali Mask zrabiŭ vymovu supracoŭniku za toje, što jon nie byŭ na pracy z pryčyny naradžeńnia dziciaci. Mask admaŭlaje abvinavačańni, u praŭdzivaści historyi sumniajucca i niekatoryja zachodnija žurnalisty.
