Fota: mashable.com
Daśledčyki kamunikacyjnych sistem francuzskaj vyšejšaj inžyniernaj škoły EURECOM apublikavali svajo daśledavańnie tajemnaj aktyŭnaści Android-prahram, raspaviadaje N+1.
Za 24 hadziny zvyčajny smartfon Samsung Galaxy SIII bieź viedama haspadara naviedaŭ 250 tysiač staronak na dźviuch tysiačach sajtaŭ, kab pieradać infarmacyju pra karystalnika rekłamadaŭcam.
Ekśpierymientatary zahruzili na smartfon z aryhinalnaj prašyŭkaj na bazie Android 4.1.2 dźvie tysiačy biaspłatnych prahram z usich 25 katehoryj u Play Store. Uvieś trafik smartfona jany prapuścili praz ułasny siervier, admysłovy ałharytm simulavaŭ aktyŭnuju pracu z prahramami.
Bolšaść prahram źviazvałasia ź nievialikaj kolkaściu rekłamnych sajtaŭ, ale kala 10% byli praźmierna aktyŭnyja. Naprykład, muzyčny ekvałajzier Music Volume Eq (tytulnyja funkcyi jakoha naohuł nie patrabujuć dostupu da internetu) źviarnuŭsia da dźviuch tysiač staronak.
Ź dziasiatki samych aktyŭnych prahram čatyry byli stvoranyja raspracoŭščykami, pryznanymi Google najlepšymi (Top Developer).
Čytajcie taksama:
Virusy na telefonach špijoniać pry vyklučanym aparacie i chavajucca ŭ sim-kartach
Što pra nas viedajuć Google i Facebook, navošta im toje dy jak ad ich schavacca
