Fota: www.pereplet.ru/lipunov
Adzin z robataŭ-teleskopaŭ rasijskaj sietki MASTIER źniaŭ uvachod u ščylnyja płasty atmaśfiery abjekta, padobnaha da kaśmičnaha hruzavika «Prahres M27M».
5 maja ŭ 20:05 pa minskim časie teleskop u 350 km ad Kiejptaŭna, PAR, zafiksavaŭ na videa šlejf dymu, što raśsiakaŭ chmary. Źmiena blasku na dumku navukoŭcaŭ śviedčyć ab kručeńni abjekta.
Jak śćviardžaje Uładzimir Lapunoŭ, adzin sa stvaralnikaŭ sietki teleskopaŭ, infarmacyja pra padzieńnie «Prahresa» nakiravanaja ŭ mižnarodny centr źviestak. «U Raskosmasie admovilisia ad našaj infarmacyi, amierykancy jaje pryniali», — śćviardžaje jon.
Raskosmas nie prakamientavaŭ kadry, ale paźniej zajaviŭ, što «Prahres» maje ŭpaści 8 maja (hetuju datu raniej nazyvali amierykancy) miž 1:23 i 21:55 pa minskim časie. U ahienctvie kažuć, što karabiel całkam zharyć u ščylnych płastach atmaśfiery, tolki nievialikija frahmienty mohuć dasiahnuć Ziamli.
Kaśmičny hruzavik «Prahres M-27M» pačaŭ niekantralavany sychod z arbity 29 krasavika. Aparat atrymaŭ paškodžańni padčas startu i straciŭ suviaź z Centram kiravańnia palotami. «Prahres» musiŭ siarod inšaha dastavić na MKS kopiju Ściaha Pieramohi.
