fota Dźmitryja Bruško, Tut.by
Takoje mierkavańnie jon vykazaŭ 23 krasavika na mižnarodnaj kanfierencyi ŭ Minsku.
Rasija, Biełaruś i Kazachstan padpisali 29 maja 2014 hoda ŭ Astanie damovu ab Jeŭrazijskim ekanamičnym sajuzie, jana ŭstupiła ŭ siłu z 1 studzienia 2015 hoda. 2 studzienia da JEAES dałučyłasia Armienija, u mai čakajecca dałučeńnie Kyrhyzstana. Baki damovilisia stvaryć adziny rynak tavaraŭ, pasłuh, pracy i kapitału biez vyklučeńniaŭ i abmiežavańniaŭ da 2025 hoda.
Michaił Miaśnikovič adznačyŭ, što «siońnia niama praciŭnikaŭ taho, što pałažeńni damovy treba realizoŭvać apieratyŭna, moža być, navat z nabližeńniem terminaŭ pierachodnaha pieryjadu (2025)». Adnak z boku zdajecca, što «havorycca šmat, a robicca mała».
«Praces siońnia idzie dosyć mlava», — skazaŭ Miaśnikovič. Jon vykazaŭ aściarohi, što hety praces moža zatarmazicca, bo šerah struktur buduć pasiŭna pracavać da 2025 hoda. Razam z tym Miaśnikovič pryznaŭ, što jość «deficyt idej, padychodaŭ, jak zabiaśpiečyć paśpiachovuju, bieskanfliktnuju realizacyju damovy ab JEAES».
Były premjer-ministr padkreśliŭ, što Biełaruś vystupaje za stvareńnie adzinaha rynku biez vyklučeńniaŭ i abmiežavańniaŭ.
Adnak u handli tavarami na momant padpisańnia damovy «isnavali 422 barjery». «71 barjer zdymajecca padpisańniem damovy. Astatnija nam jašče treba budzie likvidavać», — skazaŭ jon.
«Kali ŭvodzilisia hetyja abmiežavańni, krainy kiravalisia abaronaj nacyjanalnych intaresaŭ. Ale kali my havorym ab stvareńni adzinaha rynku, to tady niekatorym udzielnikam varta adstupicca ad svaich suvierennych pravoŭ, kab raźličvać na sastupki z boku partnioraŭ. Zrazumieła, što praces heta niaprosty, vyznačalnaja rola ŭ hetych pracesach naležyć krainie z samaj vialikaj ekanomikaj — Rasijskaj Fiederacyi», — rastłumačyŭ Miaśnikovič.
Pavodle jaho słoŭ, hetyja barjery adbivajucca i na vynikach uzajemnaha handlu pamiž členami JEAES.
«Abjom uzajemnaha handlu tavarami pamiž krainami JEAES ŭ 2013 hodzie źniziŭsia na 5% u paraŭnańni z 2012 hodam. U 2014 hodzie hety pakazčyk upaŭ jašče na 11%. Adbivajecca, viadoma, źmianieńnie źniešnich umoŭ. Ale my, kali stvarali sajuz, płanavali pavialičyć uzajemny handal, a pakul atrymlivajecca inšy vynik», — skazaŭ Michaił Miaśnikovič.
Kiraŭnik Savieta Respubliki taksama vykazaŭsia i z nahody ŭviadzieńnia adzinaj valuty ŭ JEAES, bo na hety kont viadziecca aktyŭnaja dyskusija.
«Tyja ekanamisty, jakija vystupajuć za bolš chutkaje stvareńnie adzinaha rynku tavaraŭ, pasłuh, kapitału i pracoŭnaj siły biez vyklučeńniaŭ i abmiežavańniaŭ, vystupajuć za farmiravańnie valutnaha sajuza nie potym, a paralelna z hetym. To bok, zaraz, a nie da 2025 hoda. Jany abhruntavana miarkujuć, što absalutna ŭsie barjery va ŭzajemnym handli da času ŭviadzieńnia adzinaj valuty buduć likvidavanyja», — skazaŭ jon, mahčyma, pryličajučy da hetych ekanamistaŭ i siabie.
«Razam z tym siarod asobnych palitykaŭ prysutničaje nie zusim pravilnaja paradyhma intehracyi: uvieści adzinuju valutu, nie zabiaśpiečyŭšy likvidacyju adroźnieńniaŭ umoŭ viadzieńnia haspadarańnia ŭ JEAES. Na praktycy heta moža aznačać poŭnaje padparadkavańnie krain JEAES intaresam dziaržavy z bolšaj ekanomikaj. Faktyčna heta moža pryvieści da straty suvierenitetu. Tamu spravy tut surjoznyja», — skazaŭ Miaśnikovič, nie raskryŭšy imiony asobnych palitykaŭ i dziaržaŭ.
***
Z prapanovaj ŭvieści ŭ pierśpiektyvie ŭ Jeŭrazijskim ekanamičnym sajuzie adzinuju valutu niadaŭna vystupała Rasija. Nahadajem, niadaŭna Uładzimir Pucin daručyŭ Centrabanku i ŭradu RF prapracavać pytańnie ab metazhodnaści stvareńnia valutnaha sajuza ŭ Jeŭrazijskim ekanamičnym sajuzie, a 20 sakavika na pasiadžeńni kiraŭnikoŭ JEAES jašče raz padniaŭ pytańnie adzinaj valuty.
U pačatku krasavika Alaksandr Łukašenka ŭ intervju Bloomberg adznačyŭ, što ŭviadzieńnie adzinaj valuty ŭ Jeŭrazijskim ekanamičnym sajuzie nie źjaŭlajecca pieršym pytańniem paradku dnia, mahčyma, niejkaja takaja valuta źjavicca, jak jeŭra ŭ ES, ale pakul prablemu vielmi razdźmuli. Pavodle jaho słoŭ, «było razvažańnie Pucina: vy nie suprać, kali ekśpierty niejak buduć havaryć pra heta? Dobra, my pra heta ŭžo daŭno kažam, chaj ekśpierty havorać. Ale nie stajała pytańnie ŭviadzieńnia adzinaj valuty ŭ niejki pieryjad, navat daloki». «Heta apošni akt, jaki moža być u našym sajuzie. Stolki jašče prablem i vyklikaŭ Jeŭrazijskaha ekanamičnaha sajuza, što jašče dažyviem my da hetaj adzinaj valuty», — dadaŭ biełaruski lidar.
