Zajaŭki na pikiet padavaŭ staršynia Hrodzienskaj arhanizacyi Partyi BNF Vadzim Sarančukoŭ.
Admovu ŭ praviadzieńni pikieta 22 sakavika ŭ Kałožskim parku čynoŭniki abhruntavali tym, što zajaŭnikam nie vykananyja patrabavańni zakanadaŭstva ŭ častcy padavańnia źviestak, abaviazkovych dla zajavy na praviadzieńnie masavaha mierapryjemstva.
Pravodzić pikiet 25 sakavika hrodzienskija čynoŭniki nie dazvolili ŭ suviazi z tym, što rašeńniem harvykankama praviadzieńnie masavych mierapryjemstvaŭ u parku Žylbiera nie dapuskajecca. Pry hetym, adznačajuć pravaabaroncy, u parku dziaržaŭnyja i praŭładnyja arhanizacyi rehularna pravodziać roznyja masavyja mierapryjemstvy, u tym liku palityčnaha charaktaru.
Za apošnija 12 hadoŭ, taksama adznačajuć pravaabaroncy, hrodzienskija hramadskija aktyvisty nie atrymali nivodnaha dazvołu na praviadzieńnie masavych mierapryjemstvaŭ.
Nivodnaja sa sprob asprečyć admovy harvykankama ŭ sudzie byli biezvynikovymi.
