Заяўкі на пікет падаваў старшыня Гродзенскай арганізацыі Партыі БНФ Вадзім Саранчукоў.
Адмову ў правядзенні пікета 22 сакавіка ў Каложскім парку чыноўнікі абгрунтавалі тым, што заяўнікам не выкананыя патрабаванні заканадаўства ў частцы падавання звестак, абавязковых для заявы на правядзенне масавага мерапрыемства.
Праводзіць пікет 25 сакавіка гродзенскія чыноўнікі не дазволілі ў сувязі з тым, што рашэннем гарвыканкама правядзенне масавых мерапрыемстваў у парку Жыльбера не дапускаецца. Пры гэтым, адзначаюць праваабаронцы, у парку дзяржаўныя і праўладныя арганізацыі рэгулярна праводзяць розныя масавыя мерапрыемствы, у тым ліку палітычнага характару.
За апошнія 12 гадоў, таксама адзначаюць праваабаронцы, гродзенскія грамадскія актывісты не атрымалі ніводнага дазволу на правядзенне масавых мерапрыемстваў.
Ніводная са спроб аспрэчыць адмовы гарвыканкама ў судзе былі безвыніковымі.
