U Łuhansku dva čałavieki trapili ŭ balnicu. Pra heta ŭ piatnicu, 13 sakavika, paviedamlaje «Łuhanski infarmacyjny centr» sa spasyłkaj na ministra pa nadzvyčajnych situacyjach samaabvieščanaj «Łuhanskaj narodnaj respubliki» Siarhieja Ivanuškina.
«U Łuhansku ŭ kvartale Vołkava paciarpieła čaburečnaja ŭ vyniku taho, što pry hulni ŭ kiehielban zamiest šara kinuli hranatu. Paciarpieli mužčyna i žančyna, jakija taksama dastaŭleny ŭ balnicu», — paviedamiŭ Ivanuškin.
U pasiołku Kruhlik Łutuhinskaha rajona ŭ noč na 13 sakavika taksama adbyŭsia incydent z hranataj. Tam, pa słovach ministra, hranatu kinuli «pry vyśviatleńni adnosin». Hranata ŭzarvałasia, adzin čałaviek zahinuŭ, jašče dvoje — mužčyna i dziaŭčynka — trapili z ranieńniami ŭ Łutuhinskuju balnicu.