Telekanał «Rasija-24» paviedamiŭ u pramym efiry ŭ piatnicu, 13 sakavika, što prezidenty Rasii i Kirhizii Uładzimir Pucin i Ałmaźbiek Atambajeŭ ŭžo sustrelisia ŭ Sankt-Pieciarburhu, pry hetym sami pieramovy zapłanavany na paniadziełak, 16 sakavika.
«Pres-słužba Kramla taksama paviedamlaje, što ŭ paniadziełak Uładzimir Pucin sustreŭsia z prezidentam Kirhizii Ałmaźbiekam Atambajevym, na paradku byli pytańni supracoŭnictva ŭ handlova-inviestycyjnaj i humanitarnych abłaściach, a taksama ŭ śfiery enierhietyki. Havorka išła taksama ab dałučeńni Kirhizii da Jeŭrazijskaha ekanamičnaha sajuza», — takoje paviedamleńnie začytała viadučaja.
Na vychad siužetu źviarnuli ŭvahu i inšyja žurnalisty, u pryvatnaści, karespandent «Echo Moskvy» Uładzimir Varfałamiejeŭ, jaki raźmiaściŭ videa ŭ svaim fejsbuku.
Jak tłumačyć Bi-bi-si, pryvodziačy dadzienyja ŭłasnaha manitorynhu, u takim vyhladzie navinu vychodziła ŭ efir dvojčy: u 13:00 i ŭ 14:00 pa maskoŭskim časie.
Telekanał nahadvaje, što Pucin užo tydzień nie źjaŭlajecca na publicy. Raniej sajt Kramla apublikavaŭ navinu, ilustravanuju archiŭnymi fota. U piatnicu, 13 sakavika na aficyjnym partale prezidenta źjavilisia fota sustrečy Pucina i staršyni Viarchoŭnaha suda Viačasłava Lebiedzieva ŭ Nova-Aharova.
