30 Ari va ŭjaŭleńni mastaka. Malunak: Karen Teramura, UH IfA
U Pałamarskaj absiervatoryi ŭ San-Dyjeha, Kalifornija, ZŠA, u sistemie 30 Ari była znojdzienaja čaćviortaja zorka. Pra płanietu la čatyroch zorak raspaviadaje NASA.
Vakoł śviaciła płaniety abaročvajecca jašče adna zorka. Śviaciła jość dvajnoj zorkaj, a jaje «siastra» maje zorku-spadarožnik.
Adna para zorak atrymała nazvu 30 Ari A, druhaja, u jakoj znachodzicca płanieta, — 30 Ari B. Adlehłaść miž imi składaje 1670 astranamičnych adzinak (1 a. a. — adlehłaść ad Ziamli da Sonca). Sistema 30 Ari znachodzicca ŭ suzorji Avien, ad Ziamli da jaje 136 śvietłavych hod.
Sistema 30 Ari, płanieta paznačanaja čyrvonym, znojdzienaja zorka — zialonym. Vyjava: NASA / JPL-Caltech
Žyćcio na płaniecie ŭ sistemie 30 Ari naŭrad ci mahčymaje, miarkujuć astranomy.
30 Ari nie jość pieršaj viadomaj sistemaj z čatyroch zorak i płanietaj. U 2013 hodzie była znojdzienaja padobnaja struktura KIC 4862625. Adkryćcio jašče adnoj takoj sistemy značyć, što płaniety mohuć sustrakacca ŭ čatyrochzornych sistemach čaściej, niž ličyłasia raniej.
