Fota sa staronki kłuba na Facebook
Futbolny kłub «Tarpieda-Minsk» paviedamiŭ na aficyjnaj staroncy «UKantakcie» ab padačy zajaŭki na ŭdzieł u II lizie čempijanatu Biełarusi pa futbole.
Kłub dahetul znachodzicca u niaprostaj finansavaj situacyi, ale zdoleŭ sabrać nieabchodnyja srodki.
Na siońnia śpis mahčymych supiernikaŭ kłuba ŭ II lizie naličvaje 14 kamand: «Chvala» (Pinsk), «Pramień» (Minsk), «AK Ždanovičy» (Minsk), «Tarpieda» (Mahiloŭ), «Spartak» (Škłoŭ), «Pryaziorje» (Vierchniadźvinsk), «Kołas-Družba» (Baranavicki rajon, m. Haradzišča), «Viertykal» (Kalinkavičy), «Maładziečna-DIUSŠ4», «Ašmiany», «Viktoryja» (Puchavičy), «Dniapro» (Rahačoŭ) i «Kleck».
U minułym siezonie «Tarpieda-Minsk» zaniaŭ ŭ II lizie (zona B) 6 miesca z 8 pieramohami, 5 ničyimi i 9 parazami.
***
«Tarpieda-Minsk» — adzin z najstarejšych biełaruskich futbolnych kłubaŭ. Zasnavany ŭ 1947 hodzie. Hulaŭ u pieršynstvie BSSR, piacirazovy čempijon. U vyšejšaj lizie biełaruskaha čempijanatu vystupaŭ z 1992 pa 2004 hod. Praź finansavyja prablemy ŭ 2005 hodzie pierajšoŭ u II lihu, zatym spyniŭ isnavańnie. Adrodžany amatarami ŭ 2007 hodzie. U 2014 hodzie atrymaŭ dziaržaŭnuju rehistracyju.
Kłub viadomy značnaj kolkaściu fanataŭ i prychilnaściu da biełaruskaj movy. Aficyjny himn kłubu zapisany hurtom «Čyrvonym pa biełym».
