Jeŭrasajuz abvieściŭ pra pačatak kansultacyj z metaj pierahladu farmatu Jeŭrapiejskaj palityki susiedstva (JEPS).
Pra heta «Jeŭrapiejskaj praŭdzie» paviedamili ŭ pres-słužbie Jeŭrakamisii.
«Aficyjny pierahlad JEPS budzie pačaty ŭ sieradu, 4 sakavika», — adznačaje vydańnie.
Na pieršym etapie JEK i Jeŭrapiejskaja słužba źniešnich dziejańniaŭ płanujuć pravieści šerah kansultacyj z krainami-partniorami i krainami-členami ES, kab sabrać ich prapanovy pa źmienach.
Ukraina budzie mieć mahčymaść prapanavać svaje idei.
«Hety pieryjad budzie doŭžycca da kanca červienia, paśla čaho — uvosień — buduć padrychtavany i pradstaŭleny prapanovy JEK pa pierahladzie JEPS», — havorycca ŭ publikacyi.
Jak viadoma, JEPS źjaŭlajecca ramačnym farmatam, jaki rehuluje adnosiny ES z 16 krainami Uschodniaj Jeŭropy i Mižziemnamorja. Častkaj JEPS źjaŭlajecca taksama Uschodniaje partniorstva, jakoje rehuluje adnosiny ES z Ukrainaj.
Apošni raz Jeŭrapiejskuju palityku susiedstva prahladali ŭ 2011 hodzie, źmianiŭšy bazavyja pryncypy funkcyjanavańnia dadzienaha farmatu.