Еўрасаюз абвесціў пра пачатак кансультацый з мэтай перагляду фармату Еўрапейскай палітыкі суседства (ЕПС).
Пра гэта «Еўрапейскай праўдзе» паведамілі ў прэс-службе Еўракамісіі.
«Афіцыйны перагляд ЕПС будзе пачаты ў сераду, 4 сакавіка», — адзначае выданне.
На першым этапе ЕК і Еўрапейская служба знешніх дзеянняў плануюць правесці шэраг кансультацый з краінамі-партнёрамі і краінамі-членамі ЕС, каб сабраць іх прапановы па зменах.
Украіна будзе мець магчымасць прапанаваць свае ідэі.
«Гэты перыяд будзе доўжыцца да канца чэрвеня, пасля чаго — увосень — будуць падрыхтаваны і прадстаўлены прапановы ЕК па пераглядзе ЕПС», — гаворыцца ў публікацыі.
Як вядома, ЕПС з'яўляецца рамачным фарматам, які рэгулюе адносіны ЕС з 16 краінамі Усходняй Еўропы і Міжземнамор'я. Часткай ЕПС з'яўляецца таксама Усходняе партнёрства, якое рэгулюе адносіны ЕС з Украінай.
Апошні раз Еўрапейскую палітыку суседства праглядалі ў 2011 годзе, змяніўшы базавыя прынцыпы функцыянавання дадзенага фармату.
