Na veb-sajcie hałasavanki pradstaŭlenyja 503 varyjanty talismanaŭ, jakija dasłali na konkurs. Samyja papularnyja varyjanty talismanaŭ — žyvioły-chakieisty. U asnoŭnym heta miadźviedzi, barsy, tyhry.
Sustrakajucca i davoli dziŭnyja piersanažy. Naprykład, delfin-chakieist Cimoška, Biarozka Mieteor, Chachula Chakula, Matylok «Napierad da pieramohi» z rasijskim trykałoram na kryłach, dvuchhałovy kryłaty MoskaPitek (Miadźviedziazaŭr), Čyrvonaja Mašyna, jakaja nasamreč źjaŭlajecca čyrvonaj mašynaj biez namioka na dačynieńnie da chakieju, i hullivaha vyhladu Ruskaja Dziaŭčyna.
Treba adznačyć, što karystalniki sieciva tvorča padyšli da vybaru maskota i vyrašyli «patrolić» arhanizataraŭ Čempijanatu.
Absalutnym lidaram hałasavańnia źjaŭlajecca Zajka Chakieist — zajac z kluškaj, namalavany ŭ lepšych tradycyjach paint-prymityvizmu. Zajka Chakieist užo nabraŭ bolš za 124 tysiačy prahladaŭ.
Kožny naviedvalnik moža addać svoj hołas dvaccaci talismanam. Internet-hałasavańnie za talisman skončycca 16 sakavika.
Zajka Chakieist (druhi źleva ŭ vierchnim šerahu) — lidar hałasavańnia.
