Kampanija pa zbory srodkaŭ na kartačnuju hulniu pra miłych kacianiat, što vybuchajuć biez naležnaha dahladu, sabrała ledź nie ŭ tysiaču raz bolš, čym było zaprošana na jaje stvareńnie.
Prajekt Exploding Kittens padtrymali amal 220 tysiač čałaviek.
Zbor srodkaŭ startavaŭ intensiŭna — zapatrabavanyja 10 tysiač dalaraŭ byli sabranyja za 20 chvilin, a za pieršy dzień hulnia sabrała bolš za miljon.
Za achviaravańnie ŭ 20 dalaraŭ možna było atrymać samu hulniu, a za 35 dalaraŭ — pašyranuju kałodu z kartami, što byli «zanadta žudasnymi» dla ŭklučeńnia ŭ asnoŭnuju kałodu.
Dastavić achviaravalnikam ich kałody stvaralniki Exploding Kittens abiacajuć letam 2015 hoda.
Prajekt stvorany tryma amierykancami. Dva ź jakich pracujuć nad hulniovaj kansollu Microsoft Xbox, adzin z tych dvuch — taksama ŭ vydaviectvie komiksaŭ Marvel. Treci ŭdzielnik — Metju Inmen, stvaralnik komiksaŭ The Oatmeal.
Prajekt staŭ trecim pa prybytkovaści na servisie kalektyŭnaha finansavańnia (kraŭdfandynhu) Kickstarter. Bolš za jaho nabrali razumny hadzińnik Peeble (10,27 młn dalaraŭ) i partatyŭny chaładzilnik Coolest Cooler (13,28 młn dalaraŭ). «Kacianiaty» pasunuli na čaćviortaje miesca hulniovuju kansol Ouya (8,6 młn dalaraŭ).
