Udzielniki forumu «Mety i zadačy dla małoha biźniesu Biełarusi», jaki prajšoŭ 16 lutaha ŭ Minsku, prapanavali Alaksandru Łukašenku arhanizavać i pravieści najbližejšym časam u Biełarusi pieršy ahulnanacyjanalny źjezd pradprymalnikaŭ dla «adkrytaha i ščyraha dyjałohu i vypracoŭki vyraznych kryteryjaŭ raźvićcia nacyjanalnaha biźniesu». Pra heta, u pryvatnaści, havorycca ŭ rezalucyi forumu, u jakim uziali ŭdzieł kala 1,2 tys. čałaviek.
Na sajcie RHA «Pierśpiektyva» pradprymalniki majuć namier źbirać podpisy pad telehramaj na imia kiraŭnika dziaržavy z prośbaj arhanizavać terminovuju sustreču ź imi.
Udzielniki forumu prapanavali taksama dać mahčymaść IP admianić abmiežavańni na rasprodaž tavarnych reštkaŭ bieź siertyfikataŭ zhodna z techrehłamientam Mytnaha sajuza, a z 1 sakavika nakłaści maratoryj na kanfiskacyi i pravierki «da terminu pryniaćcia rašeńnia ab supravadžalnych dakumientach, jakija zadavalniali b usie zacikaŭlenyja baki». Prapanoŭvajecca taksama nakłaści z 1 sakavika maratoryj na kanfiskacyi i pravierki «ŭ miežach dziejańnia techničnaha rehłamientu MS u dačynieńni da IP, jakija zajmajucca roźničnym handlem, z-za masavaha nievykanańnia hetych praviłaŭ u krainach MS».
«RHA «Pierśpiektyva» nie płanuje pravodzić i arhanizoŭvać akcyi pratestu pradprymalnikaŭ. Usio, što budzie adbyvacca z 1 sakavika 2015 hoda, jość vynik pracy čynoŭnikaŭ, jakija pierakanali vyšejšych słužbovych asob u pravilnaści vybaru šlachu raźvićcia małoha biźniesu ŭ Biełarusi. Usia adkaznaść budzie lažać na ich, — havorycca ŭ rezalucyi forumu. — My pa-raniejšamu ličym hety šlach niapravilnym, jaki pryviadzie da źniščeńnia IP i sur`ioznaha ŭdaru pa ekanomicy. Naša arhanizacyja ź`iaŭlajecca bokam, dla jakoha intaresy dziaržavy i hramadstva, u tym liku pradprymalnikaŭ, vyšej za ŭsio. Tamu realizacyja punktaŭ hetaj rezalucyi dazvolić stabilizavać situacyju siarod pradprymalnikaŭ i źniać napružanaść. My taksama prykładziem ŭsie namahańni dla praviadzieńnia pieramoŭ, infarmacyjnaj i jurydyčnaj padtrymki pradprymalnikaŭ Biełarusi. RHA «Pierśpiektyva» adkrytaja dla dyjałohu z uładami».
Jak adznačyŭ kiraŭnik RHA «Pierśpiektyva» Anatol Šumčanka, ciapierašni forum pradprymalnikaŭ «staŭ biesprecedentnaj padziejaj nie stolki tamu, kolki pradstaŭnikoŭ ułady ŭ im uziali udzieł, kolki tamu, što na im mahła vykazacca vialikaja kolkaść pradprymalnikaŭ».
«My na siońnia stvaryli placoŭku dla taho, kab kanstruktyŭna, u miežach zakona vyrašać pradprymalnickija pytańni. Čas pakaža, nakolki jana była paśpiachovaj i nakolki my atrymajem vynik. Toje, što pryjšło stolki ludziej, havoryć, što prablemy jość, i ŭłady na heta źviernuć uvahu», — ličyć kiraŭnik «Pierśpiektyvy».
Jon asobna padkreśliŭ, što «Pierśpiektyva» nie budzie ładzić akcyj pratestu, «nikoha nikudy zaklikać nie budzie». «My chočam, kab usio było spraviadliva, sumlenna i adkryta. Jość čynoŭniki, jakija ličać, što ŭkaz № 222 — heta novaje i lepšaje, jość pradprymalniki, jakija kažuć, što pa im pracavać niemahčyma. Mnie zdajecca, što heta pakaža čas. Kali IP zmohuć pracavać, to ŭłada maje racyju. Kali ŭkaz niedziejazdolny, to budzie vidać, što ludzi pa im pracavać nie zmohuć. Heta ŭsio stanie jasna paśla 1 sakavika 2015 hoda», — ličyć Šumčanka.
«Ja dumaju, što, kali b adbyłasia sustreča z Łukašenkam, na jaje pryjšła b nie tysiača čałaviek. Uvieś Pałac Respubliki byŭ by poŭny dla adkrytaha i ščyraha dyjałohu», — ličyć kiraŭnik pradprymalnickaha ab`iadnańnia.
Nahadajem, 1 lipienia 2014 hoda nabyŭ moc ukaz prezidenta № 222, pryniaty ŭ padtrymku techrehłamientu Mytnaha sajuza (MS) «Ab biaśpiecy pradukcyi lohkaj pramysłovaści». Ukaz abaviazaŭ IP mieć siertyfikaty adpaviednaści zhodna z techrehłamientam MS na ŭsie ŭviezienyja ŭ Biełaruś tavary. Reštki tavaraŭ, uviezienyja da taho, jak nabyŭ moc ukaz, dazvolena pradavać pa starych praviłach da 1 sakavika 2015 hoda.
