Supracoŭniki milicyi pry siłavoj padtrymcy bajcoŭ śpiecpadraździaleńnia «Ałmaz» u haražy pa vulicy Cimirazieva kanfiskavali 327 kiłahram nasieńnia maku, paviedamlaje pres-słužba HUUS Minharvykankama.
guvd.gov.by
Uładalnikam partyi akazaŭsia 36-hadovy raniej nie sudzimy minčanin. Nasieńnie maku mužčyna zachoŭvaŭ dla dalejšaj realizacyi, častka jaho ŭžo była adpaviednym čynam rasfasavanaja dla spažyŭcoŭ. Jak patłumačyŭ sam zatrymany, nasieńnie jon nabyŭ na rynku «Ždanovičy». Ciapier hetaja infarmacyja praviarajecca.
Kanfiskavanaje nasieńnie maku nakiravanaje na ekśpiertyzu. Kali ŭ chodzie ekśpiertyzy budzie znojdzienaja makavaja sałoma, u dačynieńni da mužčyny budzie raspačataja kryminalnaja sprava.Na dadzieny ž momant mužčynu pahražaje administracyjnaja adkaznaść, štraf za jakuju składaje da 70 bazavych vieličyń.
