Biełarusi možna asvoić licenzijnuju vytvorčaść mnohich svaich tavaraŭ u krainach Paŭdniovaj Azii.
Ab hetym siońnia zajaviŭ staršynia savieta respubliki nacyjanalnaha schodu Michaił Miaśnikovič u čas narady pa pytańni naroščvańnia ekspartu pradukcyi biełaruskich pradpryjemstvaŭ u Banhładeš, Indyju, Niepał i Šry-Łanku.
«Hetyja krainy chacieli b razhladać Biełaruś u jakaści inviestara, u tym liku jak krainu, jakaja moža padzialicca adpaviednymi nou-chau, intelektualnym patencyjałam. Moža, tady nam pajści na licenzijnuju vytvorčaść mnohich biełaruskich tavaraŭ u hetym rehijonie? Heta, mabyć, u mienšaj stupieni datyčycca Indyi, ale dla astatnich troch dziaržaŭ — całkam prymalnaja reč», - ličyć Michaił Miaśnikovič.
Staršynia savieta respubliki dadaŭ, što biełaruskija vytvorcy abutku i trykatažu śpiecyjalna naviedvali Banhładeš. Usie suśvietnyja brendy robiacca tam.
«Pryčym, jak mnie havaryli ŭ «Biellehpramie», vytvorčaść jeŭrapiejskich tavaraŭ tam kaštuje $15-20, a pradajecca potym reč za 100 jeŭra», - zaŭvažyŭ Michaił Miaśnikovič.
