Psichasacyjalnaje ankietavańnie siarod školnikaŭ, navučencaŭ i studentaŭ na schilnaść da ałkaholu, narkotykaŭ i inšych psichaaktyŭnych rečyvaŭ praviaduć u niekatorych ustanovach adukacyi Minska ŭ sakaviku.
Ab hetym paviedamiła žurnalistam načalnik adździeła vychavaŭčaj i ideałahičnaj raboty kamiteta pa adukacyi Minharvykankama Hanna Rysiaviec.
«U ekśpierymientalnym režymie ŭ sakaviku praviaduć ankietavańnie na bazie asobnych ustanoŭ adukacyi. Heta budzie zroblena dla taho, kab vyjavić niejkija prablemnyja momanty i likvidavać ich da etapu masavaha ŭkaranieńnia testavańnia», — skazała Hanna Rysiaviec.
Jana adznačyła, što metaj psichasacyjalnaha ankietavańnia źjaŭlajecca vyjaŭleńnie tych, chto schilny da adyktyŭnych pavodzin, heta značyć moža pryzvyčaicca da narkotykaŭ abo ałkaholu. U vypadku nieabchodnaści paśla ankietavańnia moža pravodzicca miedahlad.
Jak adznačyli śpiecyjalisty, rabota, nakiravanaja na prafiłaktyku narkaŭžyvańnia, pavinna pravodzicca nie tolki ź dziećmi, ale i z baćkami. Časta darosłyja nie ŭjaŭlajuć maštab prablemy, ličačy, što kureńnie tak zvanaj traŭki źjaŭlajecca prostym svavolstvam. Supracoŭničajuć orhany ŭnutranych spraŭ i z ustanovami adukacyi. Tak, u 2014 hodzie z ustanoŭ adukacyi stalicy pastupiła 93 infarmacyi ab niepaŭnaletnich, jakija ŭžyvajuć i raspaŭsiudžvajuć psichaaktyŭnyja rečyvy, ź ich 62 paćvierdzilisia.
U 2014 hodzie na ŭlik u Minski narkałahičny dyspansier z dyjahnazam «narkamanija» pastaŭlena 1370 čałaviek, u tym liku 188 padletkaŭ. Usiaho na ŭliku stajać 6435 dziaciej. Z-za «miksavaj» prablemy ŭ minułym hodzie bolš jak u 1,5 raza pavialičyłasia kolkaść pryciahnutych da adkaznaści niepaŭnaletnich, a taksama navučencaŭ i studentaŭ.
