Aleś Płotka vypuskaje debiutny zbornik vieršaŭ — knihu, čutki pra jakuju chadzili daŭno. Vydańnie stała svojeasablivym Best Of paeta, u jakoje ŭvajšli lepšyja vieršy ad pieršych publikacyj da siońniašniaha dnia.
Pad ćviordaj vokładkaj pieršaha vydańnia čytača čakajuć lepšyja dumki aŭtara – ad maładych hadoŭ u Čarnobylskaj zonie da pabačanaha i pieražytaha na prastory ad Bahamaŭ da Ŭładzivastoku. Hierainia vokładki knihi – Vieršnica, aŭtarskaje bačańnie biełaruskich žančynaŭ, što natchniajuć na tvorčaść.
Kaža sama kniha: «Pa ščyraści, mnie vielmi ciažka davać jakija-kolviek kamientary, bo ja ž kniha i nie ŭsio razumieju ŭ śviecie ludziej. Našyja stasunki z aŭtaram zrabilisia davoli składanymi paśla majho źjaŭleńnia. Ja, byvaje, kažu jamu ciapier: «Kali łaska, pačuchaj mianie tam, uviersie kareńčyka, nadta češacca paśla vydavieckich kalidoraŭ». A jon mnie adkazvaje: «Chaj čytačy toje robiać, kali ty ŭ fejsbuku stolki łajkaŭ źbiraješ». Karaciej, narmalny ŭ mianie aŭtar, ale vy lepš mianie ad jaho zabiarycie».
Kniha vyjšła ŭ vydaviectvie «Knihazbor» pad redakcyjaj Natalli Kučmiel. Mastackaje ŭvasableńnie Vieršnica pavodle idei aŭtara vykanała mastak Julija Hałavina. Značny ŭpłyŭ na kančatkovy źmiest i formu knihi akazali tvorcy Aleś Paškievič, Barys Piatrovič (Sačanka) i Vital Ryžkoŭ. Zamović knihu pa Biełarusi i pa-za jaje miežami možna na aficyjnym sajcie aŭtara – baisan.org.
Prezientacyja knihi adbudziecca:
16 lutaha ŭ Minsku, u halerei TUT.BY razam z Uładam Bubienam i Źmitrom Planam
28 lutaha ŭ Viciebsku u art-prastory Vitebsk4Me razam z Volhaj Čajkoŭskaj