Padatkovy kodeks Biełarusi praduhledžvaje, što ŭ peŭnych vypadkach pazyki, kredyty, uziatyja fizasobami, mohuć abkładacca padachodnym padatkam. Adpaviednyja papraŭki ŭstupili ŭ siłu z 1 studzienia 2015 hoda. U Ministerstvie pa padatkach i zborach rastłumačyli, u jakich vypadkach daviadziecca płacić padachodny padatak z pazyčanych hrošaj.
smartfinans.ru
Havorka idzie ab pazykach, kredytach, što byli atrymany ad inšych fizičnych asob, jakija nie źjaŭlajucca indyvidualnymi pradprymalnikami, ad zamiežnych arhanizacyj, što nie ažyćciaŭlajuć svaju dziejnaść na terytoryi Biełarusi praz pastajannaje pradstaŭnictva, a taksama ad zamiežnych IP.
Ale heta nie značyć, što ciapier płacić padatak daviadziecca navat u tym vypadku, kali pazyčyŭ u susieda da zarpłaty. «Padatkaabkładańnie datyčycca tolki tych hramadzian, jakija pa patrabavańni padatkovych orhanaŭ pavinny pradstavić dekłaracyju ab dachodach i majomaści. Naprykład, čałaviek ažyćciaŭlaŭ darahija pakupki (nieruchomaja majomaść, aŭtamabil i hetak dalej), ale pry hetym atrymlivaŭ nievialikuju zarabotnuju płatu abo zusim nie mieŭ dachodaŭ. Kali ŭ dekłaracyi ab dachodach i majomaści jon pakaža, što rabiŭ hetyja pakupki za košt pazyki ŭ inšaj fizičnaj asoby, to z hetaj sumy jamu treba budzie zapłacić padachodny padatak», — raskazali ŭ pres-centry MPZ.
Važna, što dekłaracyja ab dachodach i majomaści pradstaŭlajecca tolki tymi fizičnymi asobami, jakim nakiravana adpaviednaje piśmovaje patrabavańnie padatkovaha orhana, padkreślili ŭ viedamstvie. Padatkovyja orhany zapatrabujuć dekłaracyi ŭ tych, chto, pavodle danych MPZ, žyvie «nie pa srodkach»: nie atrymlivaje dachodaŭ z aficyjnych krynic abo atrymlivaje ich u niaznačnych pamierach, ale pry hetym kuplaje darahuju nieruchomuju majomaść, transpartnyja srodki, a taksama ažyćciaŭlaje inšyja finansavyja apieracyi.
Padachodny padatak padlahaje vypłacie u tryccacidzionny termin z dnia atrymańnia paviedamleńnia ad padatkovaha orhana. Staŭka padatku składaje 13%.
U MPZ źviarnuli ŭvahu: Padatkovym kodeksam praduhledžana, što pry poŭnym pahašeńni pazyk, viartańni kredytaŭ vypłačany padachodny padatak padlahaje zaličeńniu abo viartańniu. Dla hetaha nieabchodna padać zajavu i dakumienty, jakija paćviardžajuć poŭnaje pahašeńnie, viartańnie hrošaj u padatkovy orhan pa miescy pastanoŭki na ŭlik. Padachodny padatak budzie zaličany abo viernuty na praciahu miesiaca.
«Razam z tym pry pahašeńni (viartańni) pazyk, kredytaŭ za košt srodkaŭ, atrymanych na zvarotnaj abo ŭmoŭna zvarotnaj asnovie ad asob, pieraraźlik padachodnaha padatku nie ažyćciaŭlajecca i padatak viartańniu (zaličeńniu) nie padlahaje», — dadali ŭ pres-centry ministerstva.
Nie abkładajecca padatkam nazvanaja ŭ dekłaracyi pazyka, kali jana atrymana ad blizkaha svajaka: u muža ci žonki, baćkoŭ (usynavicielaŭ), dziaciej (u tym liku ŭsynoŭlenych, udačaronych), rodnych bratoŭ i siaścior, dziadul, babul, unukaŭ, ad blizkich svajakoŭ žonki ci muža.
Padachodny padatak nie vyličvajecca z sum pazyk, atrymanych ad biełaruskich arhanizacyj i indyvidualnych pradprymalnikaŭ, a taksama kredytaŭ, atrymanych u biełaruskich bankach i niabankaŭskich kredytna-finansavych ustanovach.
