Pojma raki Sož u Čačerskim rajonie. Fota Szeder László.
U Biełarusi stvarajucca 9 novych respublikanskich zakaźnikaŭ. Heta praduhledžana pastanovaj Savieta Ministraŭ Biełarusi numar 71 ad 4 lutaha 2015 hoda «Ab respublikanskich zakaźnikach».
Dakumient praduhledžvaje abviaščeńnie 9 respublikanskich zakaźnikaŭ («Hajna-Brodnia», «Biełaja Ruś», «Varonicki vostraŭ», «Dražbitka-Śvina», «Janka», «Barysaŭski», «Stary Žadzien», «Śvisłacka-Biarezinski», «Pojma raki Sož») na płoščy 64,9 tys. ha i pieraŭtvareńnie 5 respublikanskich zakaźnikaŭ («Vyhanaščanskaje», «Aśviejski», «Ścikleva», «Traskoŭščyna», «Švakšty») na płoščy 91,9 tys. ha.
Papiarednie Nacyjanalnaja akademija navuk Biełarusi praviała navukova-daśledčyja raboty pa abśledavańni pryrodnych kompleksaŭ i abjektaŭ nazvanych zakaźnikaŭ.
U čas navukovych daśledavańniaŭ vyjaŭleny miaściny, dzie rastuć dzikarosłyja raśliny i jakija nasialajuć dzikija žyvioły, što adnosiacca da vidaŭ, uklučanych u Čyrvonuju knihu Biełarusi, asabliva kaštoŭnyja raślinnyja zhurtavańni i ekałahičnyja sistemy, redkija bijatopy.
Terytoryi zakaźnikaŭ majuć stratehična važnaje značeńnie dla zachavańnia bijałahičnaj i łandšaftnaj raznastajnaści respubliki i ŭ bolšaści svajoj źjaŭlajucca jadrami nacyjanalnaj ekałahičnaj sietki mižnarodnaha značeńnia.
