Fota vidavočcaŭ
Aŭtamabil Dodge Caravan byŭ (pavodle źviestak CBS) arendavany kampanijaj Apple. Pryłada na jaho dachu moža vykarystoŭvacca i dla stvareńnia vuličnych panaram jak na Google Street View. Ale pryłada bolš nahadvaje tuju, što zaŭvažyli na samakiravanym «Dodžy» ŭ vieraśni 2014 hoda ŭ Ńju-Jorku.
Apple nie moža samastojna testavać bieśpiłotnyja aŭtamabili — kampanija nie ŭvachodzić u lik 6 kampanij, što majuć na toje dazvoł u Kalifornii. Ale Apple mahła arendavać mašynu i zaklučyć partniorskaje pahadnieńnie z kampanijaj, što maje dazvoł.
iPhone 6 prynies Apple rekordny prybytak. Ale jon moža vyjści z mody, jak ciapier vyjšaŭ z mody płejer iPod.
Za rynkam bieśpiłotnych aŭto moža być budučynia — čamu by Apple siabie na tym rynku nie pasprabavać?
Bieśpiłotnyja aŭtamabili raspracoŭvaje kampanija Google, nie tak daŭno jana pradstaviła poŭnafunkcyjanalny pratatyp. Łabaratoryju bieśpiłotnych aŭto 2 lutaha zajmieŭ taksa-servis Uber. Ab płanach pa stvareńni bieśpiłotnych hruzavikoŭ zajaviŭ rasijski «Kamaz».
