na fota — Siarhiej Michałok na Majdanie Niezaležnaści ŭ Kijevie 7 śniežnia 2013 h., fota Radyjo Svaboda.
Lidar hurtu «Brutto» (były «Lapis Trubiacki») Siarhiej Michałok i jaho pradziusar Anton Aziźbiekian źviarnulisia da vice-premjera — ministra kultury Viačasłava Kirylenki z prośbaj dapamahčy ŭ atrymańni prava na pastajannaje pražyvańnie va Ukrainie. Pra heta paviedamili ahienctvu UNIAN ŭ pres-słužbie Ministerstva kultury.
Siarhiej Michałok patłumačyŭ, što padtrymka hrupaj «Lapis Trubiackoj» revalucyjnych padziej va Ukrainie niehatyŭna i varoža ŭsprymajecca ŭładami Biełarusi i Rasii, jakija stvarajuć pieraškody dla paŭnavartasnaha tvorčaha pracesu.
Tamu Michałok i jaho pradziusar, nie admaŭlajučysia ad biełaruskaha hramadzianstva, vyrašyli atrymać prava na pastajannaje pražyvańnie va Ukrainie. Siarhiej Michałok raspavioŭ, što ŭ 2015 hodzie jaho hrupa płanuje dva ŭsieŭkrainskija kancertnyja tury, zapis novaha alboma i klipaŭ va Ukrainie, dadaje UNIAN.
Viačasłaŭ Kirylenka źviarnuŭsia ź listom da ministra ŭnutranych spraŭ Ukrainy Arsiena Avakava z prośbaj jak maha chutčej dać dazvoł na pastajannaje pražyvańnie va Ukrainie Michałku i Aziźbiekianu.
