Upraŭleńniem Śledčaha kamiteta pa Homielskaj vobłaści pravodzicca pravierka pa fakcie śmierci 16-hadovaha padletka, jaki ličyŭsia źnikłym bieź viestak.
Jak paviedamlaje aficyjny pradstaŭnik SK Biełarusi Julija Hančarova, śledčyja pracujuć na miescy, dzie było znojdziena cieła.
Infarmacyja pra abjaŭleńnie ŭ vyšuk padletka źjaviłasia ŭ sacyjalnych sietkach, u pryvatnaści na staroncy pošukava-ratavalnaha atrada «Simuran». 18 studzienia kala 15.40 Dźmitryj Bojka pajšoŭ ź internata Homielskaha dziaržaŭnaha abłasnoha liceja. U abjavie paviedamlałasia, što junak moža znachodzicca ŭ adnym ŭ kampjutarnych kłubaŭ horada. 19 studzienia cieła padletka znajšli za miežami Homiela.
0
0
0
0
0
0