Ślady ad snaradaŭ na błokpoście pad Vałnavachaj, dzie byŭ abstralany pasažyrski aŭtobus, 12 čałaviek zahinuli, a 17 atrymali ranieńni, śviedčać: rakiety byli vypuščanyja z paŭnočnaha — paŭnočna-ŭschodniaha kirunku (prykładna, 22,5 hradusa).
Pra heta havorycca ŭ spravazdačy naziralnaj misii ABSIE.
«Naziralniki praviali kompleksnaje abśledavańnie terytoryi, dzie adbyŭsia terakt, zasiarodziŭšy ŭvahu na piaci varonkach ad vybuchaŭ snaradaŭ. Pavodle acenki naziralnikaŭ, usio varonki — vynik vybuchu snaradaŭ rakiet, vypuščanych z paŭnočna-paŭnočna-ŭschodniaha kirunku», — havorycca ŭ paviedamleńni.
Zadadzieny kirunak pakazvaje na terytoryju, akupavanuju bajevikami, — prykładna ŭ rajon horada Dakučajeŭska.
Rasśledavańniem trahiedyi zajmacca rabočaja hrupa ŭ składzie vajskoŭcaŭ Ukrainy i Rasii, a taksama pradstaŭnika «DNR».
