Premjer-ministr Biełarusi Andrej Kabiakoŭ zajaviŭ, što ŭrad budzie i nadalej dyrektyŭna rehulavać ceny. Hetyja słovy prahučali ŭ jaho intervju telekanału «Biełaruś-1» 17 studzienia.
«Žorstki kantrol zachavajecca, ale jon nie budzie viečnym. Heta značyć, heta žorstki kantrol na pierachodny pieryjad», — skazaŭ Kabiakoŭ.
«Rynak źmianiŭsia, situacyja źmianiłasia, mahčymaści źmianilisia. Tamu treba ŭsim padcisnucca. Dla taho kab nie było razbałansavanaści, budzie žorstkaje časovaje rehulavańnie cenaŭ», — zajaviŭ Kabiakoŭ.
Pavodle jaho słovaŭ, «jak tolki budzie sfarmiravana razumieńnie i pryviedzieny ŭ adpaviednaść patreby z mahčymaściami, ad takoha žorstkaha rehulavańnia my admovimsia».
Jon nie ŭdakładniŭ da kanca, jakoje razumieńnie pavinna sfarmiravacca.
Devalvacyja rubla z prykładna 11000 da prykładna 15000 ciaham miesiaca pryviała da napružanaj situacyi na finansavym rynku i rostu cenaŭ na tavary i pasłuhi.
