Prezident Kazachstana Nursułtan Nazarbajeŭ zajaviŭ ab pierachodzie krainy da režymu ekanomii srodkaŭ i nieabchodnaści siekviestra biudžetu.
Pra heta Nazarbajeŭ skazaŭ na naradzie pa pytańniach sacyjalna-ekanamičnaha raźvićcia krainy, paviedamiła pres-słužba kiraŭnika dziaržavy.
Nazarbajeŭ apraŭdaŭ nieabchodnaść strohaj ekanomii niaprostaj situacyjaj «u susiednich dziaržavach».
«Nieabchodna sačyć i za raźvićciom situacyi ŭ Rasii i Jeŭropie. Źnižeńnie dachodaŭ nasielnictva, uzmacnieńnie sacyjalnaj napružanaści ŭ susiednich dziaržavach moža paŭpłyvać i na nas», — zajaviŭ jon.
«Nieabchodna dakładna rastłumačyć nasielnictvu, što my prystupili da ekanomii va ŭsim. Ciapier nieabchodna zaviaršyć budaŭnictva, jakoje ažyćciaŭlajecca, a novyja abjekty, uklučajučy niekatoryja inviestycyjnyja budaŭničyja prajekty, prypynić. Hetaja praca budzie praciahnutaja paśla zakančeńnia kryzisu», — Nazarbajeŭ.
Kazachstan — vytvorca nafty, i zaležyć ad jaje prodažaŭ. Za 2000-ja hady kraina, praŭda, stvaryła padušku biaśpieki ŭ vyhladzie vialikich valutnych reziervaŭ.
X