Ukrainskija partyzany, jakija dziejničajuć na Danbasie, atakavali vuzieł suviazi rasijskich vojskaŭ.
Pra heta ŭ Facebook napisaŭ ukrainski vajskovy ekśpiert, kiraŭnik hrupy «Infarmacyjny Supraciŭ» Dźmitryj Tymčuk. Pavodle jaho infarmacyi, bajavoje sutyknieńnie adbyłosia na poŭnač ad Novaazoŭska, ukrainskaha horada, zaniataha bajevikami. Rasijskija vajskoŭcy, jakija znachodzilisia ŭ vuźle suviazi, panieśli straty.
Tymčuk adznačaje, što rasijanie i miascovyja bajeviki nie čakali napadu partyzanaŭ u hetym rajonie.
Nahadajem, na Danbasie praciahvajecca pieramirje pamiž ukrainskimi siłavikami i prarasijskimi bajevikami. Adnak sutyčki adbyvajucca štodnia. Rehularna adbyvajucca partyzanskija akcyi. Dniami byŭ zabity palavy kamandzir bajevikoŭ, uradženiec Čačenii, jaki ŭ žniŭni ździekavaŭsia nad ukrainskimi pałonnymi pad Iłavajskam.