Krupskim rajonnym adździełam Śledčaha kamiteta pravodzicca daśledčaja pravierka pa fakcie pryčynieńnia cialesnaha paškodžańnia ŭ vyhladzie ahniastrelnaha ranieńnia 60-hadovamu minčaninu.
Jak paviedamiŭ aficyjny pradstaŭnik upraŭleńnia SK pa Minskaj vobłaści Taćciana Biełanoh, incydent zdaryŭsia dniom 29 listapada na terytoryi zakaźnika respublikanskaha značeńnia «Sialava».
Padčas zahonnaha palavańnia žychar Krupskaha rajona 1969 hoda naradžeńnia, streliŭšy pa kazuli z zarehistravanaj hładkastvolnaj zbroi, pa nieaściarožnaści paraniŭ svajho znajomaha. Mužčyna byŭ dastaŭleny ŭ rajonnuju balnicu sa skraznym ahniastrelnym ranieńniem plača.
U miežach pravieračnych mierapryjemstvaŭ śledčym praviedzieny ahlad miesca zdareńnia, kanfiskavanaja palaŭničaja strelba, pryznačanyja sudovyja ekśpiertyzy, apytvajucca vidavočcy zdareńnia.
