27 listapada amierykancy adznačajuć adno z hałoŭnych śviataŭ u ZŠA — Dzień dziakavańnia. «Naša Niva» pahladzieła, jak śviatkujuć Dzień padziaki ŭ domie pavieranaha ŭ spravach ZŠA ŭ Biełarusi Skota Rołanda.
Pavodle statystyki, u ZŠA pražyvaje kala 750 tysiačaŭ vychadcaŭ ź Biełarusi. U Biełarusi ž amierykancaŭ zusim niašmat. Uviečary 27 listapada niekatoryja ź ich sabralisia ŭ minskaj rezidencyi pavieranaha ŭ spravach ZŠA ŭ Biełarusi Skota Rołanda i jaho žonki Frensis Rołand, kab razam z suajčyńnikami adznačyć Dzień dziakavańnia. Na fota: Stoł, padrychtavany da śviatočnaj viačery — hałoŭnaj tradycyi śviata.
Skot Rołand kaža, što sioleta ŭ ZŠA kala 41 miljona čałajek puścilisia ŭ padarožža, kab adśviatkavać Dzień padziaki razam sa svaimi blizkimi. «Na aŭtadarohach, u aeraportach — aŭrał, usie jeduć da svajakoŭ. Bo sens Dnia dziakavańnia ŭ tym, kab być sabracca ź siamjoju, ź siabrami. Usio nakiravana na heta. Moj lubimy film da Dnia dziakavańnia — «Samalotam, ciahnikom, aŭtamabilem». U im dva mužčyny robiać usio mahčymaje, traplajuć u dziŭnyja situacyi tolki dziela taho, kab dabracca da svaich siemjaŭ na Dzień dziakavańnia».
U domie Rołandaŭ šmat rečaŭ ź inšych krain śvietu. Jość i biełaruskija suvieniry.
Historyja Dnia padziaki pačynajecca jašče ŭ 17-m stahodździ, kali na karabli «Mejfłauer» u Paŭnočnuju Amieryku prypłyli pieršyja pasialency. Na žal, pasialency dasiahnuli bieraha budučych ZŠA ŭ listapadzie i nie paśpieli abžycca na novaj ziamli. Padčas surovaj zimy zahinuła bolš za pałovu sa sta pilihrymaŭ. Adnak uviesnu indziejcy navučyli pilihrymaŭ asablivaściam miascovaha ziemlarobstva, i tyja sabrali bahaty ŭradžaj. Na fota: Kuchar pavieranaha ŭ spravach ZŠA zapiakaje indyčku da śviatočnaj viačery.
Uvosień 1621 hoda pilihrymy adznačyli pieršaje śviata ŭradžaju — Dzień dziakavańnia, na jaki zaprasili i karennych amierykancaŭ. Kažuć, što indziejcy ŭ jakaści padarunkaŭ prynieśli dzikich indyčak. Tak źjaviłasia hałoŭnaja strava Dnia padziaki — zapiečanaja indyčka. Na fota: hałoŭnaja strava Dnia padziaki — zapiečanaja indyčka.
Indyčku padajuć z harniram z tušanaj harodniny i z bulbianym piure. Da ptuški padajuć śpiecyjalnuju poliŭku i žuravinavy sous.
Bulbianoje piure słužyć papularnym harniram nie tolki ŭ Biełarusi, ale i ŭ ZŠA.
Kuchar vypiakaje francuzski chleb.
Jašče adna tradycyjnaja strava da Dnia dziakavańnia — piroh z harbuzoŭ.
Skot Rołand vyzvalaje miesca pad blachu ź indyčkaj.
Indyčku dastajuć z duchoŭki i adnosiać na stoł.
Hości źbirajucca vakoł hałoŭnaj stravy.
Kulminacyja viečara — indyčka dzielicca pamiž haściami.
Akramia piure na harnir idzie tušanaja harodnina.
Paśla viačery Skot Rołand zaprašaje haściej hladzieć razam hladzieć futbolny matč.
