15 listapada ŭ minskaj parafii Najśviaciejšaj Trojcy (sv. Rocha) adbyłosia śviatkavańnie 150-hodździa z dnia aśviačeńnia parafijalnaha kaścioła na Załatoj Horcy. Uračystuju Imšu z nahody jubileju śviatyni ŭznačaliŭ Mitrapalit Minska-Mahiloŭski arcybiskup Tadevuš Kandrusievič.
Śviatočnaja prahrama pačałasia malitvaj udziačnaści z nahody jubileju. Adbylisia histaryčnaja kanfierencyja «Załatahorskaja śviatynia», a taksama prezientacyja pamiatnaha alboma, pryśviečanaha kaściołu. Pierad sabranymi vystupiŭ Załatahorski chor.
«Sto piaćdziasiat hadoŭ tamu, 1 listapada 1864 h., u pryharadzie Minska byŭ kansekravany novazbudavany kaścioł u honar Najśviaciejšaj Trojcy i śviatoha Rocha», — nahadaŭ mitrapalit Tadevuš Kandrusievič padčas Imšy, źviartajučysia da prysutnych. Arcypastyr dadaŭ, što ŭ hety dzień sercy viernikaŭ pierapoŭnieny radaściu, bo kaścioł na Załatoj Horcy pieražyŭ ciažkija časy hanieńniaŭ i peŭny čas vykarystoŭvaŭsia jak zała kamiernaj muzyki Biełdziaržfiłarmonii, ale «ŭ rešt rešcie iznoŭ źjaŭlajecca miescam spatkańnia čałavieka z Boham».
Mitrapalit nazvaŭ kaścioł na Załatoj Horcy «pomnikam našaj viery, malitvy i chryścijanskaj tradycyi na našaj ziamli», miescam spatkańnia čałavieka z Boham – u tym liku ŭ kancertach duchoŭnaj muzyki, muzyčnym fiestyvali «Załatahorskaja lira». Ijerarch nahadaŭ, što z hetaj śviatyni pa tradycyi pačynajecca eŭcharystyčnaja pracesija Božaha Cieła, tut u Vialiki post prachodzić inscenizavany Kryžovy šlach.
