Słužba kantrolu jakaści adukacyi (SKIAA) pačała pravierku ŭ navučalnych ustanovach Krasłaŭskaha kraja i ŭ ryžskaj 40-j siaredniaj škole, zajaviŭ pradstaŭnik SKIAA Maksim Płatonaŭ.
Płatonaŭ patłumačyŭ, što pravierki ŭ škołach Krasłaŭskaha kraja pačalisia z-za prarasijskich nastrojaŭ i dziejnaści ŭ navučalnych ustanovach, pra što nieadnarazova paviedamlali ŚMI. U svaju čarhu, pravierka ŭ 40-j siaredniaj škole Ryhi prachodzić z-za taho, što kankretny piedahoh parušyŭ normy prafiesijnaj etyki.
Jak patłumačyŭ staršynia Dumy Krasłavskaha kraja Hunar Upienijeks, infarmacyja, jakaja prahučała ŭ ŚMI, mocna pierabolšanaja, i ŭ jaho rasparadžeńni niama infarmacyi ab tym, što ŭ jakich-niebudź škołach byli parušeńni. Z Upienijeksam zhodnaja i Lidzija Płatonava - kiraŭnik Upraŭleńnia pa spravach adukacyi Dumy Krasłaŭskaha kraja.
SKIAA zapytała va ŭsich navučalnych ustanoŭ Krasłaŭskaha kraja śpis płanavanych i adbytych mierapryjemstvaŭ i infarmacyju ab adpaviednaści ich łatvijskim adukacyjnym standartam.
