Reuters.com
Samy darahi kišenny hadzińnik u śviecie byŭ pradadzieny na aŭkcyjonie Sotheby's u Ženievie za 21,3 młn dalaraŭ.
Hadzińnik pad nazvaj Henry Graves Supercomplication, zrobleny z zołata čyścinioj ŭ 24 karaty, važyć 500 hramaŭ. Jaho vyrabiła šviejcarskaja kampanija Patek Philippe ŭ pačatku 1930-ch na zamovu ńju-jorkskaha bankira Hienry Hrejusa. Jon paspračaŭsia ź inšym mahnatam, što stanie ŭładalnikam samaha składanaha hadzińnika ŭ śviecie.
Akramia standartnych hadzińnikavych, chvilinnych i siekundnych strełak jany majuć jašče 24 roznyja miechanizmy, u tym liku kalandar, pakazalnik faz Miesiaca, chranohraf z dakładnaściu vymiareńnia da sotych dolej siekundy i inšyja funkcyi.
Na stvareńnie hadzińnika, jaki składajecca z 920 detalaŭ, syšło vosiem hadoŭ.
Hadzińnik pajšoŭ z małatka za ŭsio praz dva dni paśla śmierci svajho apošniaha ŭładalnika — kalekcyjaniera mastactva z Katara Sauda bin Muchamieda al-Tani. Paviedamlajecca, što pry žyćci jon zavinavaciŭsia Sotheby's bujnuju sumu hrošaj, jakuju pakryje prodaž hadzińnika.
Henry Graves Supercomplication zastavaŭsia samym składanym hadzińnikam na praciahu 56 hadoŭ, sastupiŭšy ŭrešcie hadzińniku, vyrablenamu z vykarystańniem kampjuternych technałohij.
