Błohier Miechman Husiejnaŭ zatrymany ranicaj 10 listapada ŭ Bakinskim aeraporcie padčas adlotu ŭ Tbilisi.
Letam 2012 h. suprać M.Husiejnava była zaviedzienaja kryminalnaja sprava i ŭviedziena zabarona na jaho vyjezd z krainy. Husiejnaŭ abvinavačvaŭsia ŭ chulihanskich dziejańniach suprać supracoŭnika palicyi.
Adnak u suviazi z zaviaršeńniem terminu rasśledavańnia kryminalnaj spravy M.Husiejnaŭ źviarnuŭsia ŭ prakuraturu z prośbaj źniać zabaronu na zamiežnyja pajezdki.
10 listapada błohier źbiraŭsia skarystacca zaprašeńniem i pajechać na kanfierencyju ABSIE ŭ Tbilisi.
Adnak pamiežniki zatrymali jaho pad padstavaj adsutnaści «pašparta ŭ sistemie». U suviazi z padazreńniem u padrobcy pašparta M.Husiejnava pieradali supracoŭnikam palicyi aeraporta. Paźniej jon paviedamiŭ siabram, što jaho viazuć u palicyju. Paśla hetaha telefonnaja suviaź ź im była spynienaja.
Husiejnaŭ źjaŭlajecca supracoŭnikam Instytuta svabody i biaśpieki reparcioraŭ (ISBR), suprać jakoha prakuratura ŭ pačatku žniŭnia raspačała kryminalnuju spravu