Prakuratura ZŠA pravieryć ździełki, zroblenyja kampanijaj Gunvor Group, saŭładalnikam jakoj byŭ rasijski biznesmen Hienadź Cimčanka. Pra heta paviedamlaje hazieta The Wall Street Journal u čaćvier, 6 listapada.
Pa infarmacyi vydańnia, rasśledavańnie pravodzić prakuratura ŭschodniaj akruhi Ńju-Jorka i Ministerstva justycyi ZŠA. Abvinavačvańnie cikavić, «ci moh Hienadź Cimčanka pieravodzić hrašovyja srodki, źviazanyja ź mierkavana karupcyjnymi ździełkami, ździejśnienymi ŭ RF, praź finansavuju sistemu ZŠA».
Amierykanskaja prakuratura vyvučaje ździełki, u jakich Gunvor Group nabyvała akcyi rasijskaj naftavaj kampanii «Rośniefť», a zatym pierapradavała ich trecim asobam. U pryvatnaści, śledstva cikavić, jakija košty prasiła kampanija ŭ chodzie ździełak.
Pavodle vydańnia, ździełki praviali da taho, jak Cimčanka trapiŭ pad sankcyi z boku ZŠA. Kali prakuratura vyznačyć, što hrašovyja srodki byli atrymanyja niezakonnym sposabam, naprykład, nienaležnym prodažam dziaržaŭnych aktyvaŭ, to ździełki kampanii Gunvor Group mohuć pryraŭniać da niezakonnaha admyvańnia dachodaŭ.
Kampaniju Gunvor Group zasnavali Cimčanka i švied Torbjorn Tornkvist. 19 sakavika, za dzień da trapleńnia ŭ sankcyjnyja śpisy ZŠA, Cimčanka pradaŭ svaju dolu ŭ 44% suzasnavalniku kampanii.
